المساعد الشخصي الرقمي

مشاهدة النسخة كاملة : From developer to tester



A7med Baraka
03-20-2009, 02:18 AM
أخى ال(تيستر) .....أرسل لك هذه الرسالة لأبلغك أنى قد أنهيت العمل قى ال(بروجيكت)المتفق عليه والان جاء دورك لعمل (تيستينج) لهذا البروجكت





أخى ال(تيستر) .....اعذرنى إذا وجدت بعض الأخطاء الأملائية فى هذه الرسالة...فأنا لا استطيع أن اقرأ ما أكتب...فالنظر اصبح شيش بيش...و التركيز متلاقيش.....و الصحة راحت و مهتجيش



أخى ال(تيستر)......قبل تبدأ فى عمل (تيستينج) لهذا ال(بروجكت)....أحب أن
أذكرك ببعض النصائح...



**_ القناعة كنز لايفنى_*"....بالأمس القريب لم يكن لدينا أى شىء من هذا
ال(بروجكت)على الأطلاق....أما الأن اصبح لدينا (بروجكت)و شغال...يبقى ترضى
...و حلو قوى كدة....مش لازم بقى تتيست و تطلع فيه القطط الفاطسة



*_* انا أريد و انت تريد والله يفعل ما يريد*_"....مش لازم ال(بروجكت) يطلع
زى م انت عاوز بالظبط.....احنا بشر مصيرين فى هذه الدنيا...فارضى بما لديك
وقل الحمد لله علشان ربنا يكرمك فى اللى جاى إن شاء الله





**_ العمر مهما طال قصير_*"....فلا تشغل بالك كثيرا بما يسمى ال
(مينتابليتى)و ال(ريوزابليتى)...هو يابنى حد ضامن يخرج النفس اللى
بيدخلة.....إيييييييييه.......دنيااااا



"* *ما اكتمل شىء و زاد حتى نقص...فما بعد الكمال إلا النقصان*".....لما
تبعت ال (بجز)و تتحل مافيش داعى اطلاقا إنك تعمل (ريتيست)....تذكر..... فما
بعد الكمال إلا النقصان





**_حلم أفلاطون بالمدينة الكاملة...وإتهمه الناس بالجنون...ومات دون أن
يحقق حلمه_*"....شيل من دماغك حكاية ال(فرى بج بروجكت)...حتى لا تلقى نفس
مصير افلاطون



"* _*اللى بيستر الناس ربنا بيستر عليه*_"....جميل جدا إنك تبعتلى
ال(بجز)فى ميل...لكن مش جميل إطلاقا إنك

تعمل (سى سى) لل(تيم ليدر)و ال(سنيور ديفلوبر)وال(بى ام)وال(جى
ام)....وتعرف أمة لا إله إلا الله أن انا عندى (بجز)



_*اللى يشوف بلاوى الناس بتهون عليه بلوته*_"......يا راجل دى ميكروسوفت
نفسهاعندها بجز)*



* و_* من شر حاسدا إذا حسد*_"...ال(بروجكت) اللى مافيهوش(بجز)محسود....زى
مابقلك كدة....بتبقى العين عليه....و العين فلقت الحجر





_*اللى بييجى على الولايا م بيكسبش*_"....."*_ويا بخت من قدر و
عفى_*"...."_*و هنيالك يا فاعل الخير و الثواب*_"*





و فى النهاية احب اهدى لكل ال(تيسترز) اغنية"*إتفرج على نفسك ياللى....فرحت
كتيير فى اللى حصللى*"للفنانة أصالة

eng.mai
03-27-2009, 08:52 PM
ههههههههههههههههههه بجد لذيذه اوى ازاى مفيش ولا رد

A7med Baraka
03-27-2009, 09:41 PM
ههههههههههههههههههه بجد لذيذه اوى ازاى مفيش ولا رد

شكرا لمرورك وردك الجميل

للأسف فى حاجات كتيييييرة جميلة و لذيذة و مفيده بس الأغلبية العظمى بتحب تاخد اللى عاوزاه وبس

شكرا لردك مرة تانية ويارب تفضلى معانا على طول بأذن الله