المساعد الشخصي الرقمي

مشاهدة النسخة كاملة : سؤال مستمر ؟؟؟ لعبة جامدة يا ريت الكل يشارك



Lost
08-08-2008, 04:27 PM
السلام عليكم ورحمة الله

لقيت لعبة جامدة و مفيدة و هتقربنا كأعضاء من بعض أكتر

اللعبة أن كل واحد يسأل سؤال و اللى بعديه يجاوب و يسأل سؤال و اللى بعديه يجاوب

أى أسئلة عامة أو دينية أو ثقافية و كده بس طبعا فى حدود :Gm_011: و ياريت اللى يسأل سؤال يكون الناس تقدر تجاوب عليه زى ما قلنا أسئلة تفيد أو أسئلة عامة بس كله بالحدود :Bg-041::Bg-039:

Lost
08-08-2008, 04:28 PM
و أحب أبدأ

بتحب لون أيه ؟؟ و ليه اللون ده بالذات ؟؟

A7med Baraka
08-08-2008, 10:15 PM
فكرة جامدة جدا يا Lost و يا ريت الناس كلها تشارك

بحب اللون السماوى و الأخضر
السماوى علشان هادى جدا و بحس براحة نفسية بصراحة مع اللون ده
و الأخضر علشان بيوحيلى بالجنة ديما :)

و سؤالى للى بعدى

مين أقرب الناس ليك ؟؟
صديق ؟؟ حبيب ؟؟ أخ ؟؟ ............

سماره
08-09-2008, 12:36 AM
اقرب الناس ليا امممممممم

Lost

وسؤالي اسم حبيبك/حببتك علي الموبيل ايه؟

wa7edmenelnass
08-09-2008, 01:07 AM
hhhhhhhhhhhhhhhhhhhhhhhhhhh

My lady !!!

hhhhhhhhhhhhhhhh

my Question :

هل أنت أو أنتى حققت حلمك فى الحياة ؟؟؟


Wa7ed Men el NaSS

Moon14
08-10-2008, 02:49 PM
بصراحة لا

أيه أكتر لعبة بتحبها ؟؟؟ مش على الكومبيوتر طبعا
كورة ولا سلة ولا طايرة ولا مصارعة ..................ألخ
كده يعنة هههه

سماره
08-12-2008, 02:07 AM
اكتر لعبه بحبها الشطرنج

ايه اكتر اسم شدك في المنتدي

Moon14
08-12-2008, 11:15 PM
أكتر أسم شدنى الأسم ده
pLuOred

أيه أكتر لحظة سعيدة فى حياتك ؟؟

***Gihad Saeed***
08-12-2008, 11:22 PM
احلي لحظة لما صحبتي رجعت من السفر وكلمتها - اللحظة دي كانت النهاردة-



امتي بتحس انك عاوز تصرخ بصوت عالى يسمع كل الدنيا؟؟؟
سؤال غريب معلش D:

Lost
08-13-2008, 12:41 AM
كويس أن الفكرة عجبتكم بجد :)

لما بحس بالظلم

أيه أكتر يوم بتحبة فى الأسبوع ؟

A7med Baraka
08-13-2008, 09:55 PM
يوم الخميس بحس أن الواحد مرتاح و بعديها الجمعة أجازة :d

مين أكتر شخصية عامة بتحبها ؟؟

TopCoder_FCI
08-14-2008, 11:09 AM
Bill Gates

اية احلى اكله بتحبها ؟ :D

taher
08-14-2008, 04:39 PM
يوم الخميس
وسؤالى حققت حلم كامل قبل كده؟

سماره
08-14-2008, 05:08 PM
هههههههههههه
يوم الثلاثاء علشان السوق لا لا صحيح الجمعه علشان اجازه والسبت كمان اجازه اممممممم
اه بحب يوم الخميس علشان يوم ماتولدت بص من الاخر بحب اي يوم في الاسبوع يعدي وانا جمب الناس الي بحبهم ويحبوني اسأل بقي لو لقيت مصباح علاء الدين وطلعلك المارد وقالك (شوبيك لوبيك عبدك وبين ايديك اطلب بس طلب واحد بس علي ادي أصله لسه صغير)هيكون ايه طلبك ؟؟ ؟؟

loly
08-16-2008, 02:21 AM
لو طلعلي المارد و فعلا هيحققلي طلب واحد يبقي اطلب انه يجيبلي حد يستاهل حبي :Love-030:
السؤال بقا ...
ايه اكتر حاجه مجنونه مش قادر تنفذها و نفسك تعملها؟؟؟؟؟؟؟؟؟؟

واأسفاه علي الصداقة
08-16-2008, 02:10 PM
يوم الجمعة

واأسفاه علي الصداقة
08-16-2008, 02:11 PM
هل قابلت مشكلة جامدة مع اصحابك ادت بالابتعاد؟

Lost
08-17-2008, 08:06 PM
شكلكم لغبطوا فى اللعبة ههههههه

الواحد يرد على أخر سؤال أتفقنا يا جماعة
أنا هرد على كل اللى مش أترد عليه و بعد كده نكملها مظبوطة أوكى

أكتر أكلة بحبها
كل الأكل بحبة بس المكرونة البشمل بحبها جدا

Lost
08-17-2008, 08:07 PM
حققت حلم كامل قبل كده
ممممم أه

Lost
08-17-2008, 08:07 PM
أكتر حاجة مجنونة مش قادر أنفذها و عاوز أعملها
مش عارف بجد حاجة معينة

Lost
08-17-2008, 08:07 PM
اه فى مشاكل أدت للأبتعاد

Lost
08-17-2008, 08:08 PM
نمشى مظبوط بقى

و سؤالى
ايه اكتر حاجه مجنونه مش قادر تنفذها و نفسك تعملها؟؟؟؟؟؟؟؟؟؟

السؤال جامد و نفسى حد يرد عليه

كونان
08-17-2008, 08:34 PM
الجمعة لانه عيد كل اسبوع للمسلمين

ماذا تتذكر عندما ترى غروب او شروق الشمس ؟

كونان
08-17-2008, 08:38 PM
اذهب للقمر
ماذا تتذكر عندما ترى غروب او شروق الشمس

anes marzouk
08-17-2008, 08:43 PM
اتذكر ان ده وقت الاكل هههههههههههه

اكتر مرحلة من عمرك نفسك تعيشها سواء مضت او قادمة

A7med Baraka
08-17-2008, 09:17 PM
الدراسة فى أيام أبتدائى

حلمك تشتغل أيه فى المستقبل أو توصل لمنصب أيه ؟؟؟

yoyoabdo
08-18-2008, 01:16 AM
نفسي أعمل فيلم كرتون يهزم أفلام والت ديزني و يأخذ جائزة الأوسكار .

أنت أهلاوي و لا زملكاوي ؟

anes marzouk
08-18-2008, 10:24 AM
انا زملكاوى

ايه اكتر صديق او صديقة زعلت او زعلتى عليه او عليها عندما فتقتده او افتقتديها وايه السبب(اختيارى)؟

كونان
08-18-2008, 07:51 PM
صديقة الطفوله
عندما سكنت فى شقه اخرى

كونان
08-18-2008, 07:53 PM
السؤال
اكتر فصل محرج حصلكم ؟؟؟

yoyoabdo
08-20-2008, 04:54 AM
يوم كنت راجعه من المدرسة و ركبت الباص ولاقيت الفلوس اللي معايا كلها وقعت و مالقتش فلوس أدفع للسائق

أكتر شخصية أثرت فيك ؟

anes marzouk
08-20-2008, 05:11 PM
أنا أثر فيا كتير منهم بابا وخالى على ودكتور محمد الرملى (دكتور محمد الرملى دكتور برمجة فى كلية حاسبات ومعلومات القاهرة)

ايه اكتر مرة حسيت انك نضجت وعقلك كبير وعرفت طريقك ومحدد خطواتك؟؟

yoyoabdo
08-20-2008, 08:25 PM
أكتر مره حسيت اني نضجت و حددت طريقي و انا داخله 3 ثانوي و بسبب اني جبت مجموع مش حلو في 2 أهلي طلبو مني احول ادبي لأنهم كانو متأكدين ان مجموعي هيقل في 32 و مش هيدخلني حاجه في علم رياضه و انا رفضت و كملت طريقي لأني بحب الرياضه و بفضل الله ربنا كرمني في 3 ثانوي و رفع مجموعي:Happy-022:

yoyoabdo
08-20-2008, 08:27 PM
نسيت السؤال :Sad-020:


إيه هيه مهنتك ؟

anes marzouk
08-21-2008, 01:25 AM
فى الحقيقة سؤال بدرى عليا انا ليس لدى مهنه سوى انى طالبة تمشى معاكى

ايه اخر مرة اشتريت هدية لوالدتك او والدك وكانت ايه؟

A7med Baraka
08-21-2008, 01:29 AM
طالب حاليا فى كلية حاسبات و معلومات
شغل خاص فى موقعى أنا و صديقى سعد www.barakasoft.com للأستضافة و التصميم " مبيعات و تصميم و دعم فنى "

أيه الحاجة اللى إذا شوفتها أو الموقف اللى يحصل و يخليك تسكت ؟؟

A7med Baraka
08-21-2008, 01:30 AM
سورى anes أنا بعت ردى قبل ما أشوف ردك :)

A7med Baraka
08-21-2008, 01:32 AM
هدية لولدتى السنة دى كانت تقريبا عباية :d

سؤالى زى ما هو


أيه الحاجة اللى إذا شوفتها أو الموقف اللى يحصل و يخليك تسكت ؟؟

سماره
08-21-2008, 01:12 PM
لما معرفش ارد اكيد هسكت
موقف مضحك حصلك؟

كونان
08-21-2008, 03:24 PM
فى عيد ميلادى اختى anes جبتلى هديه فتحتها لقيت ارجوز نط
سؤالى:
ايه رايكم فى المنتدى بصراحه ؟؟؟

سماره
08-21-2008, 09:01 PM
حلو قوي بس محتاج شغل ومجهود اكبر
ما اكتر وظيفه تحبها؟

A7med Baraka
08-21-2008, 10:12 PM
طبعا الشغل و المجهود ده مش هيبقى لوحدينا لازم كل أعضاءنا المنورين يساعدونا طبعا ;)

التصميم
و قريب أن شاء الله هتشوفوا تصميم جديد للمنتدى بمناسبة رمضان الكريم من تصاميمى و ان شاء الله يعجبكم


أكتر حاجة بتحبها فى بتكم أيه ؟؟ " جماد " ؟؟

كونان
08-21-2008, 10:22 PM
الثلاجه لان فى الصيف محتاجين ماء ثلج

السؤال هو:
ايه اكثر قسم فى المنتدى تفضلوه؟؟؟

anes marzouk
08-21-2008, 10:35 PM
الاقسام كلها جميلة والاعضاء اللى فيها بيكتبوا موضيع وقصص وادعية جميلة وبطلى بقى يا كونان الاسئلة ديه:F_019::Party-049:

أخر مرة اتشاجرت مع اخوتك او اخوك كانت امتى واتصلحتوا بعد قد ايه تقريبا؟

A7med Baraka
08-21-2008, 11:01 PM
ههههههه
يوميا :d و بنتصالح بعديها بخمس دقايق :d
من ساعتين من وقت الرد ده ههههههه :d بس الحمدلله حاليا مافيش أى مشاكل

نفسك أيه يحصل قبل رمضان ؟؟

كونان
08-22-2008, 01:31 AM
الناس يكونوا طيبين و بر الوالدين و وصل الرحم المقطوعه

ما المره التى تسرعت فيها فى حكمك وتصرفت بدون تفكير ؟؟؟؟

يا ريت تكون اسئلتى مش ضيقت احد ولا تهتموا بكلام اختى anes

yoyoabdo
08-22-2008, 04:18 PM
المنتدى ده أكتر منتدى عجبني و بحس ان كل اللي فيه يعرفو بعض و فيه ترابط

بسم الله ما شاء الله

علشان ما أحسدهزش :)

yoyoabdo
08-22-2008, 04:23 PM
سوري يا كونان ما شوفتش سؤالك

لاكن بصراح المره الليتسرعت فيها في حكمي و اتخذت قرار بدون تفكير يوم ما فركشت جوازه معينه ليا بعد ما اتفقوا الأهل ب 5 ايام

yoyoabdo
08-22-2008, 04:24 PM
سؤالي :


أكتر قناة بتتفرج عليها في التليفزيون ؟ و ليه ؟

anes marzouk
08-22-2008, 06:48 PM
أكتر قناة بحبها أوى قناة طيور الجنة وبحب فيها أغانى البنوتة رغد والطفلين اللى زى العسل الوليد والمعتصم بالله وكل أغانى الاطفال وبحس وانا بشاهدها انى عندى 6 سنين او اقل:d

ايه اكتر صفة نفسك تغيرها فيك ومش عارف ؟

كونان
08-22-2008, 08:33 PM
انى ممكن اتعصب من اقل حاجه

ايه الحاجه اللى بين السماء والارض؟؟؟ ( فزوره )

A7med Baraka
08-22-2008, 08:48 PM
و

:d .

A7med Baraka
08-22-2008, 08:49 PM
بتحب تشرب أيه ؟؟ عصاير و كده مش حاجة تانية :d

yoyoabdo
08-22-2008, 09:34 PM
بحب أشرب الكوكاكولا و أول حاجه بحطها في بطني الصبح هوه النسكافيه و كمان عصير الجوافه و القصب

A7med Baraka
08-22-2008, 11:00 PM
فين السؤال يا بشمهندسة yoyoabdo :D

yoyoabdo
08-23-2008, 05:31 PM
سوري يا بشمهندس


السؤال أهه : :d


أول حاجه بتعملها أول ما يأذن المغرب في شهر رمضان ؟

كونان
08-23-2008, 05:54 PM
بصراحه بقول دعاء الافطار و بفطر
السؤال:
ذهب امير الامراء فى رحله للصحراء
كم راء فى ذلك؟؟

¨°o.O (DoOkDoOoK) O.o°¨
08-23-2008, 05:58 PM
ذلك

مفيهاش ولا راء -smile-

¨°o.O (DoOkDoOoK) O.o°¨
08-23-2008, 05:59 PM
السؤال

حاصل ضرب واحد مع اتنين ايييه ؟؟

anes marzouk
08-23-2008, 06:16 PM
امممممممممممممم

أنا الحقيقة اول مرة اسمعها بس هخمن

حاصل ضرب واحد مع اتنين خناقة كبيرة

anes marzouk
08-23-2008, 06:17 PM
ومش هسأل حاليا الا اذا عرفت الاجابة الصحيحة

¨°o.O (DoOkDoOoK) O.o°¨
08-24-2008, 02:46 AM
هيه الاجابه دى تنفع

بس الاصح هيه

1 او 2 او 3
متعوريين:Do5_012:
:):1:

anes marzouk
08-24-2008, 03:19 AM
اذن السؤال
ايه اكتر لعبة بتحب تلعبها؟

yoyoabdo
08-24-2008, 04:48 PM
أكتر لعبه بحبها هيه Zuma :F_024:

و كمان Feeding frenzy 2 و اللعبه دي قفلتها و جبت فيها High score :Happy-022: :Happy-022: :Happy-022:

yoyoabdo
08-24-2008, 05:03 PM
سوري نسيت السؤال الظاهر جالي الزهيمر :Sad-020: :Do5_012: :F_024:


أكتر ممثل بتحب تتفرج عليه في القديم و الجديد ؟

domo3
08-25-2008, 03:52 AM
انا بحب فى القديم فاتن حمامه والجديد بحب اوى اوى حنان مطاوع
ايه بقى اكتر ممثل مبتحبوش تشوفوه :f_024:??????

كونان
08-25-2008, 03:18 PM
انا مش بحب سميه الخشاب
سؤالى هو:
ايه الحيوان اللى عظمه خارج جسمه ؟؟؟ (فزوره)

yoyoabdo
08-25-2008, 05:07 PM
على ما أعتقد السلحفاه


سؤالي :

أكتر فيلم كرتون بتحبه و مازلت و انت كبير بتتفرج عليه ؟

كونان
08-25-2008, 05:21 PM
كرتون كونان بحبه اوىىىىى وتوم و جيرى
سؤالى:
ما هو الشيء اللى كلما طال قصر ؟؟

yoyoabdo
08-25-2008, 05:47 PM
العمر


سؤالي : أكتر أغنية بتحس انها بتعبر عن نفسك ؟

كونان
08-25-2008, 06:02 PM
مفيش
سؤالى:
بيت ليس له جدران و لا حجرات ؟

yoyoabdo
08-26-2008, 05:39 PM
بيت السلحفاه

السؤال : إيه الأكله المفضله ليك ؟

كونان
08-26-2008, 09:07 PM
الاجابة ليست صحيحة
بيت الشعر أو القصيدة

الاكلة المفضلة ليا هى السمك

مين اللاعب اللى أنت بتفضله؟

yoyoabdo
08-26-2008, 09:18 PM
أبو تريكه و عبد ربه و حازم إمام و أحمد حسن



السؤال : أكتر حدث حصلك أبكاك فعلاً ؟

سماره
08-27-2008, 01:13 AM
لما بابا سافر

لو كنت مكاني هيكون ايه سؤلك؟

A7med Baraka
08-27-2008, 01:31 AM
هيكون سؤال أقدر أجاوب عليه علشان أنا اللى جيت بعدك :d

نفسك فى أيه دلوقتى ؟؟ " تاكل - تشرب - تنام - تلعب - تشترى حاجة ...... " ؟؟؟؟

كونان
08-27-2008, 06:23 PM
نفسى آكل ايس كريم
سؤالى
لو عرضوا عليك رحله مجانا نفسك تكون فين؟

yoyoabdo
08-27-2008, 06:32 PM
نفسي أروح أعمل عمره

سؤالي : إيه الكليه اللي كان نفسك تدخلها و للأسف لم يتحقق حلمك ؟

anes marzouk
08-27-2008, 08:29 PM
أنا صحيح كان نفسى ادخل كلية غير اللى أنا فيها بس بعد ما دخلت كليتى بجد حاسيت انها أفضل

هل قابلت صديق خلقه حسن و أثر فيك بخلقه ؟؟

yoyoabdo
08-28-2008, 01:39 AM
أكييييييييد طبعاً

سؤالي : إيه الحاجه المختلفه اللي ناوي تعملها السنه دي في رمضان ؟

كونان
08-28-2008, 05:48 PM
هو بصى انا هحاول متفرجش على التلفيزيون كتير
سؤالى هو:
ايه اصعب قرار اخذته فى حياتك ؟

marmar
08-29-2008, 02:41 AM
اصعب قرار
انى ابعدت عن وحده صحبتى




اكتر حاجه تفرحك ؟؟واكتر حاجه تزعلك؟؟

yoyoabdo
08-29-2008, 02:58 AM
أكتر حاجه تفرحني لما ماما بتبقى راضيه عني و أكتر حاجه بتزعلني لما ألاقي طفل بيعيط

سؤالي : ايه الحاجه اللي لازم تكون موجوده كل يوم على طربيزة السفره ساعة الإفطار ؟

Lost
08-30-2008, 08:06 PM
و إذا كان مافيش طربيزة سفرة ؟
هههههههه
الشاى طبعا

Moon14
09-07-2008, 06:40 PM
فين السؤال اللى هجاوب عليه :F_024: :F_024: :Sad-009:

seimoo
09-10-2008, 03:18 PM
طيب هسأل أنا
مين أكتر الناس قريب ليك ؟

yoyoabdo
09-11-2008, 12:27 AM
أقرب الناس ليا هيه أختي و ماما

هل بتثق في الناس بسرعه؟و ثقتك دي ضرتك ؟

wa7edmenelnass
09-11-2008, 03:19 AM
للأسف أيوا وديما بتحصلي الحكاية دى !!!!

سؤالى أنا بقى :

حد خانك قبل كدا ؟ و ازاى ؟

galaxy
09-12-2008, 04:34 AM
الحمد لله محدش خاني
لاني عندي حاسة سابعة و بحس باي حاجة بتتعمل من ورايا
الله يكون في عونه الي هيتجوزني لو لعب بديله
هع هع هع هع هع

galaxy
09-12-2008, 04:36 AM
الحمد لله محدش خاني
لاني عندي حاسة سابعة و بحس باي حاجة بتتعمل من ورايا
الله يكون في عونه الي هيتجوزني لو لعب بديله
هع هع هع هع هع

Lost
09-12-2008, 04:36 AM
فين السؤال يا جلكسى ؟؟

galaxy
09-12-2008, 04:44 AM
اه السؤال كنت هنساه
ايه اكتر حاجة كارهها في نفسك؟

galaxy
09-12-2008, 04:44 AM
اه السؤال كنت هنساه
ايه اكتر حاجة كارهها في نفسك؟

yoyoabdo
09-12-2008, 04:45 AM
فين السؤال يا Galaxy

yoyoabdo
09-12-2008, 04:49 AM
أكتر حاجه كرهاها فيا هيه إني بثق و بحب الناس بسرعه و ممكن يكون اللي قدامي مش موضع اني أحبه أو اعزه أو أثق فيه


سؤالي مشابه ليكي يا جلاكسي

أكتر حاجه بتحبها في نفسك إيه؟

:f_024: :f_024: :f_024:

galaxy
09-12-2008, 05:22 AM
اني بحب الناس و بحب اساعدهم اوي بسرعة الناس بيحبوني






ايه رايك في الحب قبل الخطوبة او الجواز ؟

seimoo
09-13-2008, 10:44 PM
قبل ماجاوب على السؤال
عايزة أقول أن الموضوع ده معمول مخصوص
عشان galaxy و yoyoabdo

seimoo
09-13-2008, 10:49 PM
أجاوب بأه
الحب قبل الخطوبه أو الجواز ده أنا مش معاه هتحصل مشاكل كتييييييييييييييير على الفاضى ومن غير ميبقى فى بينهم حاجة رسمية . طيب وليه
السؤال : أيه أكتر حاجة ندمت عليها لما عملتها ؟
مع العلم : أنك المفروض متندمش على حاجة عملتها طالما أنت مقتنع بيها

galaxy
09-15-2008, 03:49 AM
اممممممممممممممممم

هو اولا مش كل حاجة بنعملها عشان مقتنعين بيها
في حاجات ممكن نعملها عشان مجبرين عليها
و في حاجات بنعملها عند


أنا مثلا اكتر حاجة ندمت عليها اني و انا رايحة تالتة ثانوي حولت علمي رياضة رغم اني كنت ناوية اكمل احياء
لأني كنت جايبة 95% ،، و الكلية الي كان نفسي فيها (علاج طبيعي) كانت سنتها واخدة من اكتر من 96.5%
فطبعا جالي احباط مع شوية عند مع اهلي و كملت رياضة

الي زعلني اني في تالتة جبت 100% و مجموعي كان فوق مجموع علاج طبيعي بكتييير

بس الحمد لله

كله قدر ،،، و محدش عارف الخير فين



السؤال:
ليه كل واحد بييجي يسأل السؤال بيقعد فترة محتار؟
معلش انا عارفة انو سؤال بايخ
بس من كتر حيرتي معرفتش اسأل ايه

seimoo
09-17-2008, 01:54 AM
مش عارفة والله يا جلاكسى
بس يمكن عشان عايزين نسأل أسئلة نعرف بيها شخصية الشخص اللى احنا بنكلمه
وخصوصا أن أحنا مشفناش بعض من قبل
السؤال: كلامى ده صح ولا غلط ؟ يعنى أيه رأيكم فيه ؟

الطائر المهاجر
09-17-2008, 02:10 AM
يمكن
بس احنا كمان ممكن بنكون نسأل الاسئله دي عشان هيا اسئله جوانا وعايزين نعرف
هل بقيه الناس زينا ولا لا
بيفكرو مختلف ولا احنا غلط ولا ايه
سؤالي اللي نفسي اسئله لنفسي وللي هيرد
هو احنا بنعمل اي حاجه عشان بنحبها؟؟ ولا بنكون مضطرين ان احنا نعملها

Bsbosa
09-17-2008, 02:17 AM
fe 7agat bn3mlha 3lshan bn7bha 3ala al r3'm mn an al nas we al 32l msh moktn3 beha we fe 7agat bn3mlha 3lshan mogbareen 3liha sow2 mn zrof aw 2hl aw 7ta 32lk fe 7agat msh bt7bha we msh 3wzha bs al 32l by2ol ano de al s7 we ale 2mfrod n3mlo
so2ale b2a
eh akter 7aga 3mltha 3lshan bt7bha we eh al 7aga ale 3mltha 3lshan mogbar 3liha?

كونان
10-02-2008, 04:33 PM
الحاجه اللى بعملها عشان بحبها انى برسم حتى لو اذا كنت ومازلت برسم مش حلو
والحاجه اللى كنت بعملها مجبره عليها انى بصحى الصبح بدرى كل يوم
السؤال
مين الشخص اللى تعرفه اللى فاكر انه عنده موهبه وهى مش عنده
زى حد انا اعرفه طول الليل والنهار بتألف اشعار ممله ومزهقانى فى عيشتى
اهداء يا ريت يا اللى فى بالى تبطل :F_019::F_024::F_024:
مع السلامه (الذهاب الى الضرب :Do5_012:من الواضح انى بجيب المشاكل لنفسى )

yoyoabdo
10-02-2008, 07:20 PM
واحدهكنت اعرفها كانت بتفتب فبنطق ومعرفتها للانجليزي و هيه بتقرأه غلط و لما اثبتلها ده تقولي انه ليه طريقتين


مين اول شخص كلمته و عيدت عليه؟

anes marzouk
10-02-2008, 11:01 PM
بعد الشكر الكبيير لاختى الصغيرة كونان على اللى قالته عليا
وهى عارفة انها برده فكراه نفسها بتعرف ترسم وهى كبيرها ترسم وردة ووردة وحشة كمان هههههههههههههه

اجابة سؤالك يايويو
صديقتى فاطمة ورانيا

سؤالى
ما هو الشيء الذي كلما طال قصر ؟

كونان
10-03-2008, 03:42 PM
العمر
سؤالى
بتشكى لمن همك لما بتكون زعلان ومضايق؟؟

Bsbosa
10-03-2008, 07:29 PM
بشكى لشخص واحد بس هو My Best Friend
مين اللى بتقوله ربنا يخليك ليا؟

yoyoabdo
10-04-2008, 01:22 AM
بقول ربنا يخليك ليا ل والدتي

ما هو الشئ الذي تأكل منه و لا تأكله؟

كونان
10-05-2008, 09:27 PM
الطبق
سؤالى
ايه اول حاجه بتعملها اول لما بتصحى من النوم ؟

yoyoabdo
10-05-2008, 09:43 PM
بشرب نسكافيه

yoyoabdo
10-05-2008, 09:45 PM
ايه اكتر دعاء بتدعيه لربنا في صلاتك؟

كونان
10-06-2008, 01:00 AM
اللهم انى اعوذ بك من عذاب جهنم وعذاب القبر ومن فتنة المحيى والممات ومن فتنة المسيح الدجال
سؤالى
لو طلب منك عفريت يحققلك 3 امانى فماذا تتمنى؟

A7med Baraka
10-10-2008, 09:58 PM
3 بس !!!
كتير 3 :d
بس تقريبا مش هيقدر يعنى بس اللى هطلبوا حاجات دنيوية لأنه مش هيقدر يعمل حاجة للأخرة طبعا

1- ما أبعدش عن أصحابى اللى بحبهم و أفضل جنبهم على طول
2- أقعد فى جزيرة مليانه خضرة و ورد فى وسط المحيط
3- يكون فى الجزيرة نت 24 ساعة :d طبعا هيكون ليا لوحدى علشان أكلم الناس اللى على الأرض هههههه

سؤالى
أيه اكتر بلد نفسك تزورها ؟؟

كونان
10-10-2008, 10:18 PM
البلد العربى اللى تقرأها من اليمين زى ما تقراها من الشمال
سؤالى
البلد دى اسمها ايه يا بشمهندس ؟
ههههههههههه

A7med Baraka
10-10-2008, 10:47 PM
ليبيا :d

أيه أكتر كلمة بتحب تقولها ؟؟

كونان
10-13-2008, 09:28 PM
سبحان الله العظيم وبحمده (تتبنى نخله فى الجنه)
سؤالى
حد يعرف اللون الاصفر يدل على ايه (نفس لون تصميم المنتدى)

yoyoabdo
10-14-2008, 02:17 AM
اللون الأصفر يدل على الغيرة

ما هو الشئ الذي تسعى انك تعود نفسك و تعمله على طول؟؟؟؟؟؟؟

A7med Baraka
10-14-2008, 08:12 PM
أقرأ قرآن بأستمرار و ما أسمعش أغانى


أيه فكرة موقع نفسك تلاقيه على النت ؟؟؟

seimoo
10-17-2008, 09:38 PM
الموقع اللى بجد نفسى الاقيه على النت موقع يضم كل حاجة كبيرة وصغيرة
عن الحركة الكشفية فى العالم مش فى مصر بس .
السؤال : لو لقيت الموقع ده ياترى هتحب تدخل فيه ؟
اه ولا لاأه ليه فى الحالتين ؟

A7med Baraka
10-30-2008, 09:04 PM
اه لأنى بحب أزود معلوماتى فى كل حاجة

كام مرة عملت حاجة و طلعت غلط و أعترفت بعديها أنك كنت غلطان ؟؟

Bsbosa
11-01-2008, 02:33 AM
kteeeeeeeerrrrrrr bs ana b3trf b3'lty we b3tzr 3no

yoyoabdo
11-01-2008, 02:48 AM
فين السؤال؟؟؟؟؟؟؟؟


اسال انا :


ايه الدوله اللي نفسك تعييش فيها ؟ و ليه ؟

كونان
11-06-2008, 12:11 AM
مصر لان مصر دى ام الدنيا وفيها حضارة عريقة تشرف اى دولة والاهرامات و النيل والجوالمعتدل حبها فى دمى بالرغم من كل الانهيار اللى هيا فيه
سؤالى
كم وزنك ؟؟؟؟؟؟؟

yoyoabdo
11-06-2008, 02:36 AM
وزني 65 كيلو


أسأل أنا : كم طولك :) :) :) ؟

abacy
11-06-2008, 07:48 AM
اممم
تقريبا تقريبا 180 كده يعنى

كم عمرك

A7med Baraka
11-06-2008, 04:38 PM
20 إلا شوية

بتدرس أيه ؟؟

yoyoabdo
11-06-2008, 08:42 PM
بكالوريوس علوم و تربيه قسم رياضيات و حاسب الي

yoyoabdo
11-06-2008, 08:43 PM
بتنام في حدود الساعه كام ؟

كونان
11-06-2008, 09:12 PM
يعنى الساعه 10 فى متوسط الوقت ده
سؤالى
مين اكتر حد موضوعاته بتشدك و بتعجبك فى المنتدى؟؟؟؟؟؟؟؟

Moon14
12-10-2008, 02:21 AM
أنتى يا كونان و البشمهندس أحمد بركه
مواضيعكم جامد جدا و جميلة و مفيدة بجد

عملت أيه فى أول يوم العيد
طبعا مع أكل اللحمة ههههههه

توتةالبطوطة
12-10-2008, 07:11 PM
رحت لعمتى وعمى وخالى سؤالى تتصرف/ى ازاى لو حد حرجك/ى

yoyoabdo
12-11-2008, 05:19 AM
أكيد هسكت و مش هرد ووشي هيجيب كل الألوان بس هبقى بعدها مش في المود لفتره و هتعدي


لما بتبقى متضاي مين اول حد بتفكر فيه علشان تتكلم معاه ؟

A7med Baraka
12-11-2008, 05:50 PM
My Best Friend

أحسن حاجة فى العيد حصلتلك كانت أيه ؟؟

توتةالبطوطة
12-12-2008, 05:28 AM
صلاة العيد وتكبيرة العيد انا شايفة ان هى دى احسن حاجة انك تروح تصلى العيد وتكبر تكبيرة العيد دى فى حد ذاتها بتحسسك بالعيد ميييييييين اكتر انسان بيجى على بالك على طووول شاغل تفكيرك دايما

كونان
01-05-2009, 10:25 PM
بابا وماما واختى واخويا

ما هو اكتر لون بتفضله؟؟؟؟؟

A7med Baraka
01-06-2009, 04:31 PM
السماوى
والأخضر

أكتر حاجة بتحبها فى الأمتحانات أيه ؟؟

سماره
01-11-2009, 01:48 AM
امممممممممممم مع اني الحمد لله خلصت بس الامتحان ليه احساس خاص غي الايام العاديه
هل توجد حياه بدون حب ؟ولو حبيبك بعد عنك هتعمل ايه؟

Moon14
01-15-2009, 10:07 PM
مافيش حياه من غير حب
هدعى ربنا يوفقنى للخير

مي ن أكتر حد بتحبة فى الله ؟؟

A7med Baraka
01-24-2009, 09:03 PM
My Best Friend

أيه الخطوة الأيجابية اللى ناوى/ة تعملها قريب هتفيدك فى حياتك ؟؟

سماره
01-27-2009, 02:20 AM
يعني بما اني خلصت دراسه هبتدي اشوف بقي الكورسات الي هتساعدني في شغلي
لو جبت هديه لحد وقالك مش عايز منك حاجه تعمل ايه؟

OPRA
01-27-2009, 03:45 AM
يعنى اول مرة العب معاكم تكسفونى كده
لا خلاص طالما اللى بديله الهديه مش هياخدها طب انا اجيبها من الاول واكسف نفسى ليه بس ؟؟؟؟؟؟؟
عموما لو فرضا حصل الموقف خلاص هاخد الهديه ومش هاتكلم مع الشخص اللى كسفنى ده لمده ......ع حسب بقى

لما بتبقى عايز تعيط بتعمل ايه؟؟

كونان
01-27-2009, 09:50 PM
بدخل الحجرة لوحدى وابكى لحد اما اهدى

مين اكتر مصارع بتفضله؟؟؟

A7med Baraka
01-28-2009, 02:24 AM
THE ROCK
بيقولولى أنه شبهى هههههه
أول صورة هنا
http://www.barakasoft.com/vb/showthread.php?t=118

فى حد تقدر تتكلم عليه بالظبط زى أنك بتتكلم عن نفسك ؟؟ مين ؟؟

tweety tooty
01-29-2009, 11:19 PM
نفسى
سؤالى هو
ليه الدنيا اتقل خيرها؟

كونان
01-29-2009, 11:28 PM
يمكن لكثرة شرور النفس ولان الانسان بيرى النص الفاضى من الكوبايه

ايه الفريق اللى بتشجعه فى الكورة؟

tweety tooty
01-30-2009, 10:45 PM
الاهلى
مين اللى عشانه تيجى على حساب نفسك

سماره
02-06-2009, 03:58 AM
My Love اتعينت وزير التربيه والتعليم اول قرار هتخده؟

yoyoabdo
02-06-2009, 11:11 PM
هشغل كل المدرسين الرجاله و اقعد الستات في البيت علشان امنع البطاله


سؤالي " لو ادولك مليون جنيه هتعمل بيهم ايه و بصراحه ؟

كونان
02-08-2009, 05:34 PM
المليون جنيه فى العصر ده ميعملوش اى حاجه يا يويو
ده الواحد لو راح السوبر ماركت ومعاه مليون جنيه واشترى شوية جبن يروح بـ7 قروش
ههههههه
بصراحه هبنى مسجد ولو كان فى باقى فلوس هبنى معاه مستشفى او مدرسه


سؤالى

لو جالك عقد عمل فى الخارج بأجر كويس بشرط عدم السفر( لوطنك واهلك) لمدة 10 سنين هتوافق؟؟

mody_elmansoura
02-08-2009, 06:08 PM
أكيد اى واحد ممكن يتسرع ويقول موافق او غير موافق واعتقد ان الواحد لازم يفكر كويس قبل ما يتخذ قرار زى ده بس عن نفسى أكييييييييد هوافق ودى طبعا أراء شخصية ووجهات نظر قبل اى حاجة
وسؤالى للى بعدى
مين أكتر عضو بترتاحله؟

yoyoabdo
02-08-2009, 08:36 PM
همه 2 أخوات بس مش هناء و شرين لأ

أنيس و كونان

سؤالي: ايه المشروع اللي نفسك تعمله ؟

mody_elmansoura
02-09-2009, 09:57 PM
نفسى أعمل أى مشروع أخدم بيه وطنى ويكون غرضه الخير
وسؤالى للى بعدى مين أكتر ممثل كوميدى بيضحكك؟

ahmedsayedfci
02-09-2009, 11:22 PM
a7mad 7elmi
w el so2al howa lesa f 5er f el balad d

7azina
02-10-2009, 02:06 AM
enta 5alaset el le3beh bi hal sou2al ma 7ada ra7 yjeweb yemken

A7med Baraka
02-10-2009, 09:22 PM
ليه بس لسه الدنيا فيها خير و الحمد لله بس ممكن يكون قل بس

نفسك تقول أيه دلوقتى و انت بترد على سؤالى ؟؟ أى كلمة جت على بالك حالا

Moon14
02-20-2009, 06:30 PM
الحمد لله
عندك كام سنة ؟

eng_fatma
02-20-2009, 11:31 PM
السلام عليكم
انا عندي19 سنة .السؤال للي بعدي
ايه هدفك في الحياة؟

سماره
03-24-2009, 10:36 PM
اتجوز واعد في البيت :F_024: تعمل ايه لو في مره خرجت وكنت متشيك قوي وبعدين اصحابك قالولك ايه الي انت عامله ده واعدوا يضحكوا :confused:

tweety tooty
04-02-2009, 12:13 AM
اكيد ههزر واضحك معاهم منعا للاحراج:)
وسؤالى
كيف تثبت للقدامك انت شخصية جامدة حتى لو كان العكس لو انت فى انتر فيو لشركة كبيرةوعايز تتقبل

حليمة
04-07-2009, 05:08 AM
بثبت للإدامي بأني شخصية جامدة لمن بجواب على كل أسئلتو بثقه وطبعاً تكون إجابات صريحة ودقيقة...
مع إني مو هيك بس أكيد الواحد لازم يحاول
سؤالي للبعدي اذا عرفت أنو بكره آخر يوم بحياتك شو بتسوي؟؟

سماره
05-04-2009, 11:25 PM
همسك صوره جدي وهغني هقابله بكره سؤالي تعمل ايه لو انت عايز تعمل حاجه وكل الناس بتقلك لا مينفعش؟

حليمة
05-10-2009, 04:10 AM
لو فعلا انا نفسي أعملها مابسمع رئي حدا
بتمسك بقراري وبسوي هي الشغلي بس مشان أثبت أنو بينفع (يعني بتصير الشغلي بداخلي زي التحدي)
سؤالي: لو بتحب إنسان وبتفديه بروحك، بس إنت مضطر تبعد عنو فترة شو بتعمل؟؟ شو بيكون احساسك؟؟

A7med Baraka
05-10-2009, 11:33 PM
لو فعلا انا نفسي أعملها مابسمع رئي حدا
بتمسك بقراري وبسوي هي الشغلي بس مشان أثبت أنو بينفع (يعني بتصير الشغلي بداخلي زي التحدي)
سؤالي: لو بتحب إنسان وبتفديه بروحك، بس إنت مضطر تبعد عنو فترة شو بتعمل؟؟ شو بيكون احساسك؟؟

هكون متضايق جدا طبعا وزعلان بس هيكون غصب عنى و أكيد مش هنساه فى الوقت ده و هفكر فيه ديما

سؤالى إذا كنت عاوز تقول حاجة لشخص ما و مش قادر تتكلم وتقوله اللى انت عاوز تقولة تعمل إيه ؟؟

yoyoabdo
05-12-2009, 12:18 AM
هجرأ نفسي و أقوله

أو هبعتله رساله باللي عاوزه أقولهوله

ايه الحاجه اللي نفسك ربنا يحققهالك السنه دي ؟

Moon14
05-14-2009, 05:16 PM
أنجح بتفوق

هتعمل أيه فى الصيف اللى جاى ؟؟

سماره
06-03-2009, 11:30 PM
هحفظ قران ان شاء الله اعد مع اصحابك وفي حاجه اتسرقت وانت كان معاك زيها ولما شافوها قالوا هي ده هتعمل ايه؟

Therays100
07-01-2009, 02:55 AM
ينهار
دا موقف محرج خالص
بس اكيد هتمسك بيها الانها اولا واخيرا بتاعتي ولو تنازلت عنها هيكون في شك لو بنصف في مئة ان ااا نا اللي خدتها
ودا مرفوض
سوائلي
ما هو مبدئك في الحياة؟؟

حليمة
07-04-2009, 04:22 AM
مبدئي في الحياة
ان كل ما يحدث لنا في هذه الدنيا لسبب فالعاقل من استغله أفضل استغلال والغبي هو من وقف عنده وجعله عائقا له في هذه الحياة :)
كيف بتوصف علاقتك مع الناس من حولك؟؟؟

ahmed beltagy
07-04-2009, 05:58 PM
عن طريق ردود افعالهم عند الاحتياج اليهم في ذالك الحين بقدر اعرف علاقتي بيهم كانت ايه سؤالي:ايه شعورك لما متتذكرش حلم ليك من سنين؟

كونان
07-07-2009, 04:40 AM
اكيد هشعور بالآسف

مين اكتر مصارع بتفضله ؟؟

A7med Baraka
07-07-2009, 04:44 PM
The Rock :D

نفسك تشتغل أيه ؟؟

ahmed beltagy
07-07-2009, 08:37 PM
نفسي اشتغل مبرمج مع اني معرفش الان اعمل برنامج واحد وسؤالي لو انتي مكان تعمل ايه بالتفصيل ......................$

سماره
07-10-2009, 08:44 PM
هتعلم الاول البرمجه وبعدين ادور علي شغل انا بقي عايزه اشتغل مدرسة Mathلو انت مكاني هتعمل ايه؟

البرنسيسة
07-13-2009, 11:04 PM
يوم الثلاثاء علشان عيد لقائى مع اعز اصدقائى
لو وقعت فى مشكلة وعلشان تخرج منها امامك حاجة من الاثنين يتلبسها لحد او تلبسها انت تختار ايه

كونان
07-15-2009, 03:13 AM
هلبسها انا وامرى لله

اكتر مصارعة عجبتك كانت بين مين ومين من المصارعين ؟؟؟

كونان
07-29-2009, 08:01 AM
اكتر مصارعة عجبتنى كانت بين راندى اورتن والاندرتيكر

مين قدوتك فى الحياة ؟؟؟

حليمة
07-31-2009, 06:13 PM
قدوتي بالحياة أختي مع أنها بتكبرني بس بسنتين بس أنا بشوفها إنسانة عظيمة بتعرف شو بدها، وقوية بتكافح لتحقق إلي بدها إياه، والكل بيحبها وهي بيت سر الجميع، والحكيمة الي بتنصح الكبير والصغير:Bg-041:
والله ماعندي سؤال بس بدي أعرف هل اللعبة عرفتكون ببعض أكتر ولا بس كلام؟؟

كونان
07-31-2009, 06:19 PM
حقيقى بجد عرفتنا ببعض اكتر
ولو كان بس كلام كنا ازاى هنعرف قدوتك يا حليمة

لو حد ظلمك هتعمل ايه ؟؟

yoyoabdo
08-07-2009, 02:17 AM
هدعي ربنا ان يردي حقي

و هقول حسبي الله و نعم الوكيل و أفوض أمري إلى الله إن الله بصير بالعباد


سؤالي:
ناوي بإذن الله تعمل إيه جديده السنه دي في رمضان ؟

Moon14
09-28-2009, 05:29 AM
رمضان عدى بس الحمد لله قريت قرأن أكتر

نفسك تقابل مين قريب ؟؟

ahmed beltagy
09-28-2009, 07:04 AM
نفسي اقابل احمد ابن خالي مسافر السعوديه ومشفتوش من حولي سنه ونص.............................$

كونان
09-30-2009, 05:44 AM
كم طولك ؟؟؟؟؟
( اللى طوله اكتر من متر ونص هقتله ) :d

كونان
10-07-2009, 06:28 AM
ايه ده هو انا اقصر واحده فى المنتدى ولا ايه ؟؟

سؤال تانى

ايه اكتر مكان نفسك تروحه ؟؟

A7med Baraka
10-07-2009, 06:44 AM
كم طولك ؟؟؟؟؟
( اللى طوله اكتر من متر ونص هقتله ) :d
ايه ده هو انا اقصر واحده فى المنتدى ولا ايه ؟؟

ههههههههه معلش يا كونان انتى ما جاوبتيش على السؤال على فكرة :F_019:
تقريبا طولى من 160 : 170 والله اعلم :cool:


سؤال تانى

ايه اكتر مكان نفسك تروحه ؟؟
إذا كان مكان محدد تقريبا مافيش أحلى من بتنا :Happy-022:
ممكن نقول جزيرة فيها خضرة فى وسط البحر و يكون فيها نت ضرورى :D

السؤال
مين قدوتك فى الحياة العملية ؟؟

كونان
10-08-2009, 07:06 AM
بابا وماما واختى

كم عمرك بالظبط ؟؟

Moon14
10-11-2009, 10:47 AM
عقدين :d
نفسك تتعلم أيه قبل السنة ديه ما تخلص ؟؟

khad
10-27-2009, 05:00 AM
:Happy-022::Happy-022::Happy-022::Happy-022::Happy-022::Happy-022::Happy-022::Happy-022::Happy-022:

والله فكرة حلوة ومفييييييييييييييدة
أنا ما عندي سؤال أنتظر أسئلتكم
« سبحان الله وبحمده سبحان الله العظيم »

anes marzouk
10-27-2009, 04:38 PM
نفسك تعمل ايه فى حياتك بالظبط علشان تصلح الزلزال اللى اصاب الكون؟؟

بس المرة دى سؤالى هيبقى فيه اختيارات بس لازم اختيارك تكون مسئول عنه بينك وبين نفسك يأما متجوبش عليه

(مش لما اعمل لنفسى - أرجو رحمة ربنا وساهم باللى اقدر عليه - أعمل لنفسى و أرجو رحمة ربنا وساهم باللى اقدر عليه )

Lost
11-23-2009, 12:25 PM
أرجو رحمة ربنا وساهم باللى اقدر عليه
وحشتونى كلكم
ما كنتش متوقع تفضل اللعبة شغاله

سؤالى
فى حد لسه فاكرنى من المنتدى ؟؟

كونان
11-30-2009, 03:30 PM
احنا كلنا اسرة مع بعضينا يا lost

ايه اكتر برنامج بتفضله ؟؟

A7med Baraka
11-30-2009, 07:53 PM
إذا تقصدى برنامج تليفزيونى
الطبعة الأولى لأحمد المسلمانى


أيه أكتر حاجة ضايقتك فى العيد أو كان نفسك ما تحصلش وحصلت أو العكس ؟؟

كونان
01-06-2010, 01:00 PM
الخروج فى العيد علشان الزحمه

ايه اخر مقلب فى حياتك ؟؟

A7med Baraka
01-20-2010, 11:34 AM
كان فى أتفاق مع شخصية يعتبر ليها كلمتها ووضع مش قليل و بدأنا فى أول مراحل فى الأتفاق وبعد فترة الشخصية ديه بلغتنى بأنهاء الأتفاق بدون أى أسباب تذكر ؟؟ وللأسف لحد دلوقتى مش لاقى أسباب أو عارف حتى أخمن أسباب
الحمد لله :)

حاجة نفسك تحصل قريب جدا جدا ؟؟

كونان
02-04-2010, 11:37 PM
اتفرج على الماتش بين ريمستريو ضد الاندرتيكر مباشر
بس نفسى الاتنين يكسبوا مش عارفه ازاى

ايه اكتر لون بتفضله ؟؟؟؟؟؟؟

A7med Baraka
02-16-2010, 06:04 PM
اللون السماوى أو اللبنى و الأخضر

أيه أحلى حاجة فى الأجازة دى :d

كونان
02-20-2010, 06:53 AM
الاكل والنوم :d

لو اقدامك دكتور فى الكليه بتكرهه ومش بتفهم منه حاجه فى المحاضرة
وفجأة سألك شخصيا عن رأيك فيه بصراحه
هتقوله الحقيقه ولا هتنافقه ؟؟؟؟؟؟؟؟؟

Moon14
04-18-2010, 06:14 PM
هقوله الحقيقة

محتار بين أمرين واحد قريب وسهل و التانى بعيد وصعب تختار أيه ؟

yoyoabdo
04-26-2010, 10:48 PM
هصلي استخاره و هعمل اللي ربنا هيقدرني عليه

إيه اللي نفسك تعمله و مش عارف تعمله ؟

A7med Baraka
04-30-2010, 05:40 PM
نفسى أنجز كل الحاجات اللى ورايا بسرعة و أخد راحة شوية :d

امتى تقول الشخص اللى قدامك ذكى ؟؟

Lost
12-01-2010, 10:59 AM
لما يكون مميز فى كلامه وأفعاله

داخل شركة وعاوز تقابل المدير شخصيا والشركة كبيرة تعمل ايه ؟

A7med Baraka
12-05-2010, 08:57 AM
يااااااااااه
رجعتنا تانى للمواضيع الجميلة دى يا Lost :)


---------
هطلب أقابله عادى وإذا كان الرد عنده أجتماعات ومش فاضى ومش ينفع وكده هحاول أوضحلهم أن الموضوع مهم ولازم المدير شخصيا

ميس زينب
01-24-2011, 11:46 PM
انا ملقيش سؤال قولت اسال انا
الســـــــــــــــــــــــــــــــــــــــؤال
فاكر اسعد يوم في حياتك