المساعد الشخصي الرقمي

مشاهدة النسخة كاملة : مراتى دى هتجننى



كونان
10-31-2009, 04:58 AM
واحد ومراته بس مراته تجيب الضغط والسكر وكل الامراض اللى في الدنيا
هو: حبيبتي انا حطلب بيتزا , عايزه حاجه ؟
هي : لأ يا حبيبي
هو : أوكى
هي :ولا أقولك ...؟
هو : ها ,أطلبلك كمان ؟
هي : مش عارفه
هو : مش عارفه اذا كنتي عايزه
هي : لا
هو: انتي جعانه؟
هي: يعني
هو: يعني إيه يعني....؟
هي: يعني مش متأكده إذا كنت جعانه ولا لأ
هو: الواحد لما بيكون جعان بيعرف
هي: لأ بس ممكن أجوع بعدين
هو: يعني أطلبلك بيتزا ؟
هي: طيب واذا مكنتش جعانه وقتها..؟
هو: ماتاكليش
هي: بس ده يبقى تبزير
هو: خلاص ، تبقي تاكليها بكره
هي: وإذا ماكانش لي نفس أكل بيتزا بكره
هو: مش محتاجه نفس ، الواحد ممكن ياكل بيتزا كل يوم
هي: انا لأ .. انا مش باكل بيتزا غير لما بيكون عندي نفس للبيتزا
هو: طيب بلاش ، أطلبلك حاجه تانيه؟
هي: بس انا مش عايزه حاجه تانيه
هو: يعني عايزه بيتزا؟
هي: لأ
هو: يعني مش عايزه حاجه؟
هي: لأ برضه
هو: جننتيني ، طب أعمل إيه؟
هي: أطلب أنت لنفسك
هو: الحمد الله ، أخيرا .. ماشي
هي:بس أطلب بيتزا بالتونه
هو:نعم؟ انا مش بحب البيتزا التونه
هي:بس انا بحبها
هو:وانتي مالك ؟ هو انا حاطلب ليه ولا ليكي
هي:ليك طبعا
هو:طيب أطلبها ليه بقى بالتونه ..؟
هي:ممكن أجوع لما يوصل الاكل
هو:وبعدين؟
هي:يا سلام ، يعني تفتكر أكل حاجه مش عجباني ؟
هو:ليه هو أنتي- أصلا - عايزه تاكلي؟
هي:وليه لأ
هو:يا مثبت العقل والدين .. هو انا حاطلب بيتزا ليه ، عشان أحتمال انتي تاكليها إذا كنتي جعانه
هي:بالضبط
هو:وانا بلاش أكل؟
هي:يمكن وقتها أكون مش جعانه فتاكلها أنت
انا تعبت أنتوا رأيكم إيه

A7med Baraka
10-31-2009, 09:37 AM
ههههههههههه
يمشوا من محل البيتزا وياكلوا فى البيت أى حاجة :d

yoyoabdo
10-31-2009, 12:57 PM
ههههههههههههههههههههههههه

لو عنده كرامه ما يطلبش حاجه و ياكل لوحده بره البيت

الست دي ملل انا لو منه كنت قتلتها :)