المساعد الشخصي الرقمي

مشاهدة النسخة كاملة : طبق الأنووووووووووون يا استاذ لانه مصلحتك



***Gihad Saeed***
08-16-2008, 12:36 AM
قانون المرور المصري الاصلي


القاعدة الأولى: لو عربيتك كبيرة أو قديمة ، أستخدم المبدأ القانوني: اللي خايف على عربيته يوسع!! ملحوظة: ابعد عن سكة العربيات المخرشمة ، بيسوقوا بنظرية ضربوا الأعورعلى عينه!!

القاعده الثانيه: البوز بيز - اللي يدخل ببوز عربيته الأول للتقاطع هو صاحب أولوية المرور! احرص على أن تكون صاحب أول بوز ملحوظة: لا تطبق نظرية البوز بيز مع أي لوري أو أتوبيس ، حرصاً على بوزك لامؤاخذة

القاعدة الثالثة: الإشارات تكشف نواياك للأعداء ، أياك أن تستخدمها!

القاعدة الرابعة: لا تترك مسافة للأمان بينك و بين السيارة التي أمامك فهذا له عدة مخاطر:
*عربية ثانية هتمليء الفراغ في ثواني و برضه ما يبقاش فيه مسافة بينك و بين الي قدامك ، كل الي كسبته انك اتأخرت لورا شوية
*تعطي فرصة للعيال يعملوا غرز قدامك
*كل المشاة حيغمضوا عينيهم و يعدوا من الحته
*والي وراك حيقعد يزمر - لو كان مؤدب - أو تسمع شوية أسامي حيوانات لو كان سواق تاكس - مؤدب - ، أو حيخبطك من ورا لو كان سواق ميكروباص - و دول مفيش حد منهم مؤدب- الإشارات مش معمولة علشان تنظم المرور ، معمولة علشان شكل القاهرة يبقى متحضر بس! اعتمد على العساكر -مع تحملك كامل المسؤلية لو واحد منهم شاورلك تعدي و بلدياته الناحية الثانية فتح السكة للوري -أو يفضل أن تستعمل البوز بيز - راجع القاعدة الثانية
*اذا كنت مش واقف في الصف الأول في الاشارة اعمل حسابك تزمر بشكل متواصل و هستيري أول ما الأشارة تفتح ، لأن الناس الي قدام بيبقوا واقفين في الاشارة من زمان و جايز جداً يكونوا ناموا!!
*معظم الحوادث تحدث في التقاطعات أول الأشارة ما تحمر، كل ما عديت الإشارة الحمراء أسرع كل ما قلت فرصة انك تتخبط! *الشارع مكان مقرف ، سوق بأسرع ما يمكن حتى تتخلص من هذا الهم بسرعة ، الناس الي ماشيين بالراحة مرضى نفسيين بيستمتعوا بالعذاب يستاهلوا الي يجرى لهم
*من حقوقك الدستورية أن تركن أمام باب المحل الذي تريد أن تشتري منه ، اذا سبقك واحد ابن ستين في سبعين و ركن قدام الباب ، فمن حقك أن تقفل عليه و تركن صف ثاني أو ثالث، و مش مهم لو الشارع اتقفل ، ايه يعني أما الناس تتعطل عشر دقائق علشان تستمتع بحقوقك الدستورية؟ هيا يعني الدنيا طارت ولا كان وراهم الديوان
*من حقك أيضاً أن تخرج من مكان انتظارك في أي لحظة تشاء ، اكسر الدركسيون شمال و اطلع ، أي حد ماشي في الشارع لازم يقف لك فورا ً، راجع البند السابق

إحترس من ثلاث أنواع
*من السائقيين بيسوقوا و كأنهم مش ممكن يموتوا:- العيال الروشين الي بيلعبوا Computer Games و فاكريين إن ممكن يكسبوا زيادة لو ساقوا
*موتوسيكلات توصيل الطلبات
*سواقين الميكروباص.
ملحوظة: إوعى تحاول تثبت لحد منهم إن فكرته غلط. فاهمني!!!
*لما تشوف حادثة لازم تهدي و تتفرج - مش مهم تساعد - الحجات دي دمها أخف من الأخبار المملة بتاعة التلفيزيون ، و بعدين لما الطريق وراك يقف تحمي المجتمع من حادثة تانية الكناسين لازم يحللوا اللقمة الي بياكلوها ، حاول تنفعهم و ترمي أي حاجة من الشباك
*لما تخلص سيجارة أوعى تحطها في الطفاية ، ارميها من الشباك أول ما تشوف واحد بموتوسيكل معدي جنبك -علشان يحرم يعمل غرز
*من حقك أن تعبر الشارع في أي وقت و من أي مكان
*اذا كان هناك سيارة قادمة اعمل نفسك مش واخد بالك و عدي براحتك خالص،ما تخافش، هوا حيقف، هو اهبل يدوسك و يودي نفسه في داهية
*اياك أن تنظر نحو السيارات القادمة ، أعبر الطريق و ظهرك لها حتى لا يشك أحد قائدي السيارات أنك تراه و يحاول يخوفك علشان تقف
*حتى لو شفته أوعى تخاف - خصوصاً لو معاك مراتك - تبقى راجل ملو هدومك و تخاف من حته عربية؟ عرض قفاك و سيبه يتفلق
*الرصيف ليس للمشاه ، بل لركن السيارات و فرشات الباعة الجائليين و المحلات... الخ ، لذلك يحق للمشاة السير في وسط الشارع ، لمزيد من الأمان ، راجع القاعدة السابقة*إذا كان الماشي من فئة النقل الثقيل ، فمن أبسط حقوقة إنه يمشي على أقل من مهله و يهتز براحته. واللي مش عاجبة الهز يدور على لوري يخبطة



* لما مراتك أو حد من أولادك عايز ينزل في أي حتة من الشارع نزله , واللي مش عاجبه يخبط راسه في الحيط أو يزعقله شوية أو يشتم "هى الشتيمة يعني هتلزق"


* لو كنت ماشي ع الشمال وفجأة وانت سرحان لقيت نفسك وصلت للمكان اللي انت عايزه أو عجبك محل ع وعايز تتفرج عليه ........ مفييش مشكلة ومن غير إشارة ولا تعب حود يمين علطوول ,,,, واللي مش عاجبه يبقى بصراحة قليل الدوق


* انت ماشي لا بيك ولا عليك قام عسكري المرور وقف الإشارة فجأة ,,,, ولا كأنك خدت بالك وعدي عادي جدا هو يعني هيعملك إيه


* عايز تلف في الشارع ولسة على ما تروح للملف مسافة , مفييش أي مشكلة لو تمشي عكس الطريق حتى لو الطريق ماشي بسرعة , وحتى لو فيه ناس ماشيين في الشارع ....... وغريبة لو معجبهومش , هما مش عارفين البنزين غلي إزاي ولا على ما أروح للحتة دي في الزحمة هتاخد وقت أد إيه


*لو الشارع اللي ماشي فيه عكسي وقف بسببك , يبقى المشكلة مش فيك المشكلة في اللي شافك وموقفش من بدري , يستحمل بأة


* لو عديت في شارع ولاقيت فيه عسكري مرور يبقى من حظك لأن الناس دوول مبقيناش بنشوفهم إلا في الأفلام


* لو وقف أتوبيس أو ميني باص أو ميكروباص في نص الشارع علشان ينزل حد منه , من حقه واوعى تعترض أو تعدي من يمينه وإلا هتعمل حادثة وانت الغلطان !!!!!!!!


وعجبي !!!!!!!!!!!!!!!!!!!!!!!!!

A7med Baraka
08-16-2008, 02:43 AM
ههههههههه
و عدلوه ليه طيب ماهو كله فوائد أهو

هههههههههههههه

galaxy
09-13-2008, 12:24 AM
هههههههههههههههههههههههههههههههه
مهو احنا اكييييييد اكيد في مصر