Lost
12-11-2009, 07:10 PM
حوار مع مسؤول مهم
ده حوار مع مسؤول مهم
رفض ذكر اسمه...!
قلت له كلمنى عن لحظة تاريخية
فى عمر الوطن..؟
قاللى الساعة اللى بعد الغدا..
قلت له إشمعنى؟!
قاللى عشان الوطن بعد ما يتغدى
بيخش يريح ويمدد..
قلت له كلمنى عن أحلام الوطن؟
قاللى يبيّض الشقة ويغيّر العفش
وبالمرة ينجد..
قلت له كلمنى عن ثروة الوطن؟
قاللى الخير كتير
واهو يا بيتسرق يا بيتهرب يا بيتبدد..
قلت له كلمنى عن أعصاب الوطن؟
قاللى ف التلاجة مع البطيخ
حتى لو انجرح أو اتهدد..
قلت له كلمنى عن موقف الوطن
من أهم الأحداث؟
قاللى لازال يشجب ويستنكر ويندد..
قلت له كلمنى عن تصور الوطن
للكام سنة الجايين..؟
قاللى هايقفّل البلكونة ألوميتال
ويفتح الدستور ع المنور
وقبل ما تخلص المدة
المدة التانية تتجدد..
قلت له كلمنى عن المواطن؟
قاللى لسه بيحب من بعيد لبعيد
ولسه خايف ومتردد..
قلت له كلمنى عن كرامة الوطن؟
قعد يلطم ويعيط ويعدد..
ولما قلت ليه كده..؟
قاللى أصلى افتكرت أمى
الله يرحمها...
كان اسمها كرامة
وقاللى مع السلامة
وراح يمدد..
جنب الوطن...
ده حوار مع مسؤول مهم
رفض ذكر اسمه...!
قلت له كلمنى عن لحظة تاريخية
فى عمر الوطن..؟
قاللى الساعة اللى بعد الغدا..
قلت له إشمعنى؟!
قاللى عشان الوطن بعد ما يتغدى
بيخش يريح ويمدد..
قلت له كلمنى عن أحلام الوطن؟
قاللى يبيّض الشقة ويغيّر العفش
وبالمرة ينجد..
قلت له كلمنى عن ثروة الوطن؟
قاللى الخير كتير
واهو يا بيتسرق يا بيتهرب يا بيتبدد..
قلت له كلمنى عن أعصاب الوطن؟
قاللى ف التلاجة مع البطيخ
حتى لو انجرح أو اتهدد..
قلت له كلمنى عن موقف الوطن
من أهم الأحداث؟
قاللى لازال يشجب ويستنكر ويندد..
قلت له كلمنى عن تصور الوطن
للكام سنة الجايين..؟
قاللى هايقفّل البلكونة ألوميتال
ويفتح الدستور ع المنور
وقبل ما تخلص المدة
المدة التانية تتجدد..
قلت له كلمنى عن المواطن؟
قاللى لسه بيحب من بعيد لبعيد
ولسه خايف ومتردد..
قلت له كلمنى عن كرامة الوطن؟
قعد يلطم ويعيط ويعدد..
ولما قلت ليه كده..؟
قاللى أصلى افتكرت أمى
الله يرحمها...
كان اسمها كرامة
وقاللى مع السلامة
وراح يمدد..
جنب الوطن...