المساعد الشخصي الرقمي

مشاهدة النسخة كاملة : بدون عنوان !!!!!!!!!!!!!



دلوعة اسكندريه
02-14-2010, 02:16 AM
الموضوع ده بقلمي يا جماعه
بس مش لقياله عنوان
اقروا وحطوله انتم العنوان


خلاص بتقول ان انا مش ليك
خلاص بتقول ان انا مش غاليه عليك
وانا كتير كانوا بيحسدوني عليك
وكنت بحسد انا كل اللي حواليك
علشان بس بيشوفوا نظرة عينيك
بس خلاص انا مش فكراك
مش عايزاك
انا بس عايشه حياتي علشان انساك
قلبي اللي حبك بينساك مش عايز يفتكر ولا لحظة حب عاشها معاك
عشان انت متستهلش اني اكون فكراك
انا خلاص مش عايزاك
كدبت ومثلت وجرحت فيا كتير
وده كله كنت برضه مستحملاك
كنت رسماك ملاك
كت عندي كل الدنيا
دلوقتي انت ولا كأنك دخلت ف حياتي ثانيه
بس برضه مش ندمانه ومش حعمل زيك واطلع غلطانه
مش حغلط ولا حجرح فيك
علشان انت كنت الدنيا ليا ومش حعمل زيك انت
جرحت غلطت فيا
بس الغط مش عليك
الغلط عليا وفيا
الغلط اني وثقت ف واحد
خاين .. غدار .. قلبه من نار

مش عارفه اقول ايه ولا ايه
الجوايا ميتوصفش بكلام
الجوايا يتحس بس مش انت اللي تحسه
اللي يحسه اللي عنده ضمير وبيحس بالناس كتير
وانا ف قلبي نار وانت قلبك من نار
والنار مبتحسش بالنار
النار بتاخد بس مبتديش وانت كده عايز تاخد بس ومتديش
انت بالظبط زي النار اناني بتاخد ومبتديش

انا حعيش حياتي اكيد
واكيد حلاقي اللي يملا مكانك ف حياتي

بس للاسف

انا واثقه ان انا مش حعرف اثق ف حد تاني ولا اصدق حد تاني

شكرا ليك يا اكبر خاين وكداب ف الدنيا ديا

وف النهايه حقولك ايه
الله يسمحك ع اللي قولته ف حقي وعليا


بقلمــــــــــــــــي
دلوعـــــــــــــــــه

halaolfat
02-14-2010, 04:59 AM
كلامك جميل

ايه رايك فى اسم ( قلب من حجر )

A7med Baraka
02-15-2010, 05:53 AM
جميل يا دلوعة ماكناش نعرف أن عندك المواهب الجامدة دى ;)
بصراحة مش لاقى عنوان بس هفكر و إذا لقيت حاجة هكتبها :)

كونان
03-13-2010, 01:36 AM
جميلة اوووووووووووى يا دلوعه
تسلم الايادى
ممكن يكون العنوان ( ضحية الحب الصادق للحب الخادع )

Elbanor
08-31-2010, 11:00 PM
كلام صادق اووى وبمس القلب كتير بس مو بعرف عنوان