المساعد الشخصي الرقمي

مشاهدة النسخة كاملة : شوية نكت بايخة



Moon14
02-15-2010, 09:21 PM
شوية نكت بايخة
يا رب تعجبكم
سمعتي نكتة الأسانسير ؟
لأ؟ .. علشان كنتي طالعة علي السلم ...
بايخة أوي


مرة واحد طلع له دمل نزله ... أبوخ

مرة واحد مدرس عربي بيقول نكتة في حصة الأملاء .. فقال نكتة ومن أول السطر ...

واحد راح مطعم في فرنسا.كان عايز يطلب شوربه قال للجرسون(جارسوه عايز واحد شوربوه) فالجرسون قاله باردون؟ قال الراجل لا سوخنوه


ليه الفيل بيلبس شرابات خضرا؟
عشان خضرا لابسة شراباته


واحد عايز يطلع الدور السابع ومفيش اسانسير ولا سلم يعمل ايه ؟
يشرب سيفن أب

مرة واحد سايق عربيته وجه يلف الصينية ... الشاي اتكب ..

ممثلة جالها دور برد رفضته

مرة واحد باكستاني خلف ولد سماه أيه ؟
باكستالت
طيب باكستالت خلف ولد سماه ايه ؟
لأ .. مش باكس رابع .. سماه باكس أول علي اسم جده...
طيب خلف عيال كتير سماهم ايه
باكس تريد بويز ( بتقول ان ده اسم لبان ) .. ياساتر علي الألش بجد..


يقال انه يوجد اربع حقايق في العالم .



الحقيقه الاولي ..

يستحيل ان تلمس كل اسنانك بلسانك .

الحقيقه الثانيــه

بعد قراءه الحقيقه الاولي كل الحمقــي يحاولون لمس اسنانهم الان .


الحقيقه الثالثــه



اكيد انت بتضحك من نفسك الان


الحقيقه الرابعــه

تفكر في ارسال هذه الرساله الي اصدقاء اخريــن ليصبحو حمقي مثلك

قول واعترف بالحقيقه وسرك في بئيــر

بايخة اوي ا وي



مرة واحد عام على وش الميه خبط في مناخيرها

مرة واحد شد حيله انقطع
مرة واحد تعب من المشي جري
مرة واحد حب يعلم ابنه السباحة ربطه بالانش
مرة واحد حب يعلم ابنه الجري ربه بقطار


مرة واحد..اتنين تلاتة


مرة واحد .. اتنين تلاتة غيرهم


مره واحد محمل فراخ وهوه معدي علي كمين سالوه الظابط محمل ايه قالو فراخ يابيه قالو بتاكلهم ايه رد عليه السواق باكلهم علف ودره ام الظابط لا الفراخ مايكلوش علف و دره دول بيكلو لانشون وبسطرمه وراح عملو مخالفه غالسواق بعد مامشي جه عالكمين التاني فالظابط بيسالو محمل ايه قالو فراخ يا باشا قالو بتاكلهم ايه قالو لانشون و بسطرمه قالو ازاي الفراخ بتاكل دره وعلف مش لانشون وبسطرمه وراح عملو مخا لفه وبعد السواق مامشي وجه عالكمين التالت فالظابط بيسالو محمل ايه يا اسطي قالو فراخ يا باشا قلو بتاكلهم ايه بص يا باشا انا بدي كل فرخه نص جنيه وهيه تاكل اللي علي مزجها


محشش قاعد مع وزير .. الوزير قال نكته ..

المحشش ضحك وقال : يقطع معالي سمو شيطانكم ...!



الموساد قرر أنه يشغل جاسوس صعيدى عنده بعد طول بحث أستقروا على هريدى
راحوا لهريدى و أخدوه تل أبيب و قعدوا يدربوه 6 شهور و بعدها قالو ليه أنه
كدة جاهز للمهمة بتاعته
هريدى : يعنى حارجع مصر
مدرب الموساد : أيوة .. تروح و تنفذ كل التعليمات اللى قلنالك عليها
هريدى : طب ازاى حاتصل بيكم
مدرب الموساد : لا لا .. انت ماتتصلش .. احنا لما نحب نتصل بيك حانبعتلك مندوب
يقوللك ازايك و ازاى امك .. تعرف أنه تبعنا .. ماشى يا هريدى
هريدى : تحت أمرك يا فندم
و بالفعل رجع هريدى مصر .. و بعد شهرين أحس الموساد انه لازم يتصل بهريدى ..
فراحوا باعتينله مندوب
المندوب لبواب العمارة بتاعت هريدى : هو هريدى ساكن فى أنهى شقة
البواب : أنهى هريدى يا بيه .. العمارة فيها 4 هريدى
المندوب خاف لحسن العملية تنكشف : قولى شقة أى واحد فيهم
البواب : عندك واحد ساكن فى الدور الأول
طلع المندوب و خبط على الشقة اللى فى الدور الأول
المندوب : أنت هريدى .. ازايك و ازاى أمك
هريدى : أنت عايز هريدى الجاسوس .. هو ساكن فى الدور الرابع


محشش اتصل ببرنامج فتاوى على الهوا ...... قلهم ممكن





واحد صعيدي حب يعمل رأفت الهجان اتمسك من أول حلقة


جماعه بلديتنا عاملين مظاهره ضد امريكا

لبسوا واحد منهم بدلة بوش

وولعوا فيه



واحد راح يرشح نفسه لرئاسه الجمهوريه.......قالوله انت مجنون....قال هو شرط يعني؟

واحد جاله ولد بعد سبع بنات سماه ...........بدري.


مسطول ماشي ف الشارع الدوريه وقفت و قالولوا اتفضل معانا .......قال لهم معلش البيت قريب.

واحد قتل حماته ..........سالوه ايه اسمك قالهم فاعل خير.



البوليس عمل كبسه على شوية شمامين بينهم و لد صغير فالظابط سأله و ياترى بقى الشمام الصغير اسمه ايه
رد الولدعليه كنتالوب

اكتشقت سيدة مصباح علاء الدين السحري ، فركته فطلع الجني فو التو واللحظة
الجني : شبيك لبيك عبد..........
السيدة : سيبك من الكلام ده حافظاه عاوزاك تحققلي التلات اماني بسرعة
الجني : ماشي كلامك بس علي شرط
السيدة : خير الله ام اجعله خير
الجني : كل امنية هتطلبيها لنفسك جوزك هياخد زيها عشر اضعاف
السيدة : يا راجل خضيتني موافقة ، اول امنية عاوزة ابقي اجمل ست في العالم
الجني : حضر بس خلي بالك ، جوزك كمان هيبقي اجمل راجل في العالم و الستتات هتجري وراه
السيدة : وايه يعني مهو مش هيلاقي اجمل مني ، نفذ و انت ساكت
الجني : اوك ، جلا جلا ... وفي ثواني بقت اجمل ست في العالم
السيدة : الطلب التاني عاوزة ابقي اغني ست في العالم
الجني : خدي بالك جوزك برضة هبقي اغني راجل في اعالم واغني منك عشر مرات
السيدة : انت بتتكلم كتير ليه ، ما انا عاوزة كده ، هو فيه فرق بين فلوسي و فلوس جوزي ؟
الجني : حاضر ، جلا جلا ... وفي ثواني بقوا اغني اتنين في العالم
السيدة : الطلب التالت ، انا هروح دلوقتي المستشفي ، اول ما اوصل عاوزة تجيلي ازمة قلبية خفيفة



جماعة صعايدة حبوا يعملوا فرقعه اعلامية

عملوا مؤتمر صحفي واعلنوا انهم هيطلعوا الشمس
واثناء لقاء الصحفي مع كبيرهم قاله ايه سبب تفكير حضرتك فى طلوع الشمس قال زى ما امريكا طلعت القمر واحنا ماعنقلدهاش
الصحفي قالة بس حضرتك الشمس حر قوى قاله ماحنا هنطلعها بالليل

واحد محشش دخل الشقة لقي امة النار مولعه فيها قالها منورة يا حاجة

واحد محشش بيسال صحبة انا عيني حمرا ومش عارف امشي قاله استنى لما تخضر وامشي





واحد غلس وقع فى حفرة
قال : أحسن



قالوا في حرب قامت بين الصعايدة والفلاحين ...
الصعايدة استخبوا في القصب وطبعاً الفلاحين استخبوا في الدرة
الفلاحين عارفين إن الصعايدة أغلبهم حسانين ومحمدين
فبقوا ينادوا يا حسانين يقوم 3 - 4 صعايدة يقفوا ... يقوم الفلاحين طخينهم
الصعايدة هرشوا الموضوع
الفلاحين راحو مناديين يا حسانين
الصعايدة وقفولهم محمدين
بايخة



بخيل واقف فى البلكونة ابنه جاى من بعيد يقول له بابا بابا بابا بابا بابا قاله يا ابن الكلب بابه واحده كفاية


مرة اتنين صعايدة كانوا قاعدين يحششوا عند الهرم واحد منهم قال للتانى تتصور ياعوضين ان الفراعنة قعدوا يبنوا

في الهرم دة 5000 سنة قالة لية قالة عشان كانوا كل مايرصوا حجرين تيجى الحكومة تشلهم


مرة واحد صعيدى بيقول لصاحبة شايف الصاروخ اللى طاير دة يساوى كام قالة كام قالو اربعة مليون دولار قالو ياة يابخت
اللى يقع فى دارة


مرة واحد رخم قوى وندل شويتين خصموا من مرتبة 50 جنية تبرع لفلسطين اتبرع بباقى الراتب لسرائيل


واحد صعيدى لقى مصباح علاء الدين فضل يحك فيه لغاية ماالعفريت جاله تسلخات