المساعد الشخصي الرقمي

مشاهدة النسخة كاملة : محتاجه مساعده ضرووورى وعاجل



sunset
04-21-2010, 09:29 PM
السلام عليكم ورحمة الله وبركاته
ممكن مساعده
عايزه افكار لمشاريع او جيمز لماده oop
مطلوبه مننا ومش عارفه اعمل ايه بالظبط
عايزه افكار بس مش اكتر
بس ضرووووورى وبسرعه
جزاكم الله خير

A7med Baraka
04-22-2010, 12:00 AM
وعليكم السلام ورحمة الله وبركاته
محتاجة أفكار بسيطة ولا حاجة كبيرة شوية ؟؟
ونفس السؤال فى الجيمز محتاجة أفكار لجيمز بسيطة ولا جيمز فيها جرافيكس وكده ؟؟

sunset
04-22-2010, 06:02 PM
لا افكار بسيطه مناسبه لكورس اوبجيكت اورينتد لتانيه
والجيمز نفس الحكايه
ياريت بسرعه يافندم
جزاك الله خيرا

A7med Baraka
04-22-2010, 08:12 PM
لا افكار بسيطه مناسبه لكورس اوبجيكت اورينتد لتانيه
والجيمز نفس الحكايه
ياريت بسرعه يافندم
جزاك الله خيرا

بالنسبة للمشاريع ممكن


نظام أدارة مكتبة (أستعارة كتب و يكون مثلا لكل سنة دراسية مدة مختلفة للأستعارة ويكون للمعيد و للدكتور نظام مختلف و مدة أكبر فى الأستعارة و إدارة لأقسام المكتبة ومعرفة الكتب المستعارة وتاريخ انتهاء الأستعارة وبيانات المستعير وهكذا)
مشروع أدارة الحجوزات فى فندق أو مستشفى (تسجيل مواعيد الحجز و الأنتهاء و عرض الأسعار لكل مستوى مثلا مستوى أول يكون اغلى عن المستوى الثانى و الثالث وهكذا و تسجيل بيانات العميل و إذا فندق ممكن تسجلى الخدمات الأضافية زى مثلا الغداء و العشاء أو توفير وسيلة مواصلات وتوضيح سعر لكل خدمة أضافية و هكذا)
ممكن برنامج لتحويل العملات لمكتب صرافة مثلا (البرنامج بسيط بس ممكن تزودى أفكار بأن مثلا لا يقل عدد العملات المتوافرة عن 10 ويكون يقدر يحول من أى عملة لعملة ثانية وهكذا)

طبعا تقدرى تزودى أفكار أو تقلليها على حسب حجم المشروع و قدراتكم و أمكانياتكم فى الوقت الحالى

بالنسبة للألعاب أعتقد معظمها ممكن هتكون نوعا ما كبيرة فى الوقت الحالى بس ممكن حاجات بسيطة مثلا XO أو Sample Snake

يا رب الأفكار تفيدك أن شاء الله
وأبقى بلغينا بالمشروع اللى أخترتيه أن شاء الله :Bg-011:

sunset
04-22-2010, 09:17 PM
جزاك الله كل الخير
معلش هتعب حضرتك شويه لو عند حضرتك افكار تانيه
اصل اول اتنين عملنا زيهم الترم الاول
والجيمز افكارها حلوه جدا بس للاسف ناس سبقونا وعرضوها على الدكتور وهو مش عايز افكار مكرره :(
ولو مش فى حاجات تانيه مناسبه هحاول افكر فى الى حضرتك ذكرتهم تانى
شكرا:)

A7med Baraka
04-23-2010, 02:14 AM
جزاك الله كل الخير
معلش هتعب حضرتك شويه لو عند حضرتك افكار تانيه
اصل اول اتنين عملنا زيهم الترم الاول
والجيمز افكارها حلوه جدا بس للاسف ناس سبقونا وعرضوها على الدكتور وهو مش عايز افكار مكرره :(
ولو مش فى حاجات تانيه مناسبه هحاول افكر فى الى حضرتك ذكرتهم تانى
شكرا:)
جزانا و إياكى أن شاء الله

طيب ممكن برنامج Phone Book - نوته لأرقام التليفونات و البيانات مع فالديشن طبعا على ال Inputs و حاولى تذودى شوية أفكار لأنه بسيط جدا

هحاول أفكر فى أفكار تانى و أن شاء الله أبقى أكتبها

sunset
04-23-2010, 04:58 PM
هو المفروض ورقة المشروع هتتقدم بكره ان شاء الله
وانا محتاره ما بين مشروع تحويل العملات الى حضرتك اقترحته
ومحاكاه لبرنامج الرسام ياريت لو حضرتك عندك افكار لجيمز بسيطه تكتبها بسرعه
بالنسبه لبرنامج الرسام ايه راى حضرتك فيه يعنى سهل ان الواحد يمشى فيه ولا لا

A7med Baraka
04-24-2010, 04:28 PM
هو المفروض ورقة المشروع هتتقدم بكره ان شاء الله
وانا محتاره ما بين مشروع تحويل العملات الى حضرتك اقترحته
ومحاكاه لبرنامج الرسام ياريت لو حضرتك عندك افكار لجيمز بسيطه تكتبها بسرعه
بالنسبه لبرنامج الرسام ايه راى حضرتك فيه يعنى سهل ان الواحد يمشى فيه ولا لا

السلام عليكم ورحمة الله وبركاته
آسف على التأخير فى الرد لظروف سفرى

بس محاكاة برنامج الرسام نوعا ما هتكون كبيرة لأنكم محتاجين تكونوا فاهمين Computer Graphics و الجورزمات الرسم و حسابات و شوية رياضيات و أعتقد انكم لسه مش درستوا الحاجات دى .

يا رب أكون افدتك أن شاء الله