فكره بإذن الله هتعجبكم يا ريت الكل يشارك هناااا

[yoyoabdo]

بسم الله الرحمن الرحيم

طبعاً إحنا عارفين إن دعاء الصائم مستجاب بإذن الله و أيضاً من أسباب إستجابة الدعاء الدعاء بظهر الغيب يعني تدعي لحد و أنت ما تعرفهوش و ما تقولهوش

فأنا خطرت لي فكره يا ريت كلنا نشارك فيها إن كل واحد يكتب إيه الحاجه اللي نفسه ربنا يحققهاله و بيدعي بيها و كلنا ندعي لبعض في الصلاه و ساعة الإفطار لكل واحد و بإذن الله ربنا هيتقبل لأن كمان شوف كام واحد هيدعي للتاني في نفس الوقت و كمان هناخد ثواب .يا ريت الكل يشارك و أعطوني ردودكم

و كل عام و أنتم بخير

رمضان كريم

أسألكم الدعاء

[A7med Baraka]

يشرفنى أنى أكون أول واحد بيشارك فى الفكرة العظيمة ده

نفسى ربنا يريح بالى و يلهمنى الصواب و يرزقنى بالحلال و ويوفق أصحابى وأهلى و أحبابى للخير فى الدنيا و الأخرة و يجمعنا كلنا فى الجنة بأذن الله

الف الف مليون شكرا يا بشمهندسة :)
بجد ربنا يكرمك و يوفقك و يحققلك كل أمالك على الفكرة العظيمة ديه

تم التثبيت :)

[كونان]

فكره جميله جدا
انا بقى طماعه شوية نفسى فى حاجات كتييييييييييييير اوى
اولها ان الناس يكونوا طيبين
والكراهيه والظلم وحقدهم على الاخرين يزول
والغيرة التى تملك الشخص تجاه الاخرين كمان تزول
وربنا يوفقنى السنة دى فى الدراسه انا وكل الطلاب
وربنا يغفر لنا ذنوبنا ويهدينا ونزيد الاستغفار
وبابا وماما وانا واختى واخويا وكل المسلمين ندخل الجنة
ونجرى على الصراط ويوسع قبرنا وينوره

على فكره انتى رائعه جدا يا yoyo
انتى بقى نفسك فى ايه ؟؟

[yoyoabdo]

شكراً جداً يا جماعه على ردوردكم دي اللي ادتني الحماس و يا ر عقبال الباقي ما يشارك

أنا هقولكم على اللي بتمناه

إن ربنا يرضى عني و يجعل أمي ترضى عني و كل الناس و انه يعفو عني و يحسن خاتمتي و يجعل قبري روضة من رياض الجنه و يغفر لأبي و أمي و أخوتي و كل المسلمين

و ان ربنا يرزقني بالزوج الصالح اللي بتمناه و يرزق كل البنات بالأزواج الصالحه

و يشفي جميع مرضى المسلمين

ويوفقني في اني اخذ الماجستير و الدكتوراه

[yoyoabdo]

و كمان بشكر المنتدى الرائع و بشكر بشمهندس أحمد على التثبيت و ربنا يا رب يتقبل منا

[Bsbosa]

نفسى ربنا يريح بالى و يلهمنى الصواب و يرزقنى بالحلال ويحقق لى امنية نفسى اوى تتجقق و ويوفق أصحابى وأهلى و أحبابى للخير فى الدنيا و الأخرة و يجمعنا كلنا فى الجنة بأذن الله

[wa7edmenelnass]

نفسى ربنا يوفقنى وأنجح فى حياتى من كل النواحى
دينيا ودنياويا وعلميا وخلقيا وفى كل حاجه فى حياتى !
أكون ناجح وأحقق أهدافي بفضل ورعاية الله

[AHMEDHELMY]

يارب وفقني في عملي وكليتي ويارب مدخلش ظابط احتياطي في الجيش ادخل عسكري هتحدد اني ادخل ظابط ولا عسكري يوم 8/9/2008ياريت الكل يديعيلي

[سماره]

فكره حلوه قوي وربنا يستجيب ان شاء الله:)
*في شخص عزيز علي في ضيق بدعي ربنا يفك ضيقه ياااااارب
*ربنا يجعل شهر رمضان مبارك علي المسلمين.
*ربنا يهديني الي ما فيه الخير والثواب.

[كونان]

يا رب انصر امة محمد (صلى الله عليه وسلم)
انصر فلسطين والعراق واخواننا المسلمين
انصر يا رب كل مظلوم واجعلنا من الشهداء فى سبيلك
هبنى انا وكل المسلمين رضا الاب والام
يا رب اهدينا للطريق المستقيم وابعد عنا الشيطان الرجيم
اللهم لا تمتنا الا وانت راضى عنا وغافر لى ذنبى وكل المسلمين

[Lost]

فكرة جميلة أوى

يا رب أنجح و ربنا يرزقنى الزوجة الصالحة و حسن الختام و يا رب ندخل الجنة كلنا

[yoyoabdo]

كل عام و أنتم بخير يا أحلى منتدى و من إنهارده بإذن الله هنبتدي ندعي لبعض زي ما إتفقنا

كل سنة و أنتم طيبين و بخير يا رب

[A7med Baraka]

وأنتى طيبة و كل المسلمين بخير يا رب

وبأذن الله هندعى من أنهاردة فى الصلاة و على الفطار و فى السحور و كل ما نفتكر ندعى
وربنا يقدرنا و ما ننسائ أى حد و ندعى لينا و لكل الناس

ما تنسوش الكل يدعى :)

و رمضان مبارك عليكم بأذن الله

[karima]

cette solission et inpec lol

[yoyoabdo]

و الله يا كريمه أنا ترجمت الفرنساوي ده لاقيته
( وهذه المؤسسه الوطنية لنظام السجون solission لول )

يا ريت توضحي أنت عاوزه إيه

و على العموم ربنا معانا جميعاً
رمضان كريم

[yoyoabdo]

ليا رجااااااااء ليكم يا جماعه و لكل المنتدى إنكم تدعولي

إدعولي بإن ربنا يفك كربي أرجوووووكم أنا بحاجه لدعاكم ليا

[Lost]

ربنا يفك كربك يا رب
الناس بتدعى ولا أيه ؟؟
أنا بدعى والله على قد ما أفتكر و أقدر

[yoyoabdo]

و أنا بدعي و يا ريت يا جماعه ندعي كمان لأطفال مرضى السرطان أنا كل ما بشوف الإعلانات في التليفزيون بيتقطع قلبي
اللهم إشفي أطفال مرضى السرطان
اللهم إشفي جميع المسلمين من كل داء
اللهم تقبل منا صيامنا و صلاتنا و قيامنا و دعاءنا
اللهم أمييييييييييين

[A7med Baraka]

و انا بدعى والله للجميع على قد ما أقدر

و ان شاء الله ندعى كمان لأطفال مرضى السرطان

و ندعى ربنا يتقبل منا جميعا يا رب

[Moon14]

و انا بدعى ما تنسونيش :)

ربنا يوفقنا كلنا للخير يا رب

[galaxy]

فكرة رااائعة يا يويو ربنا يجزيكي خير


أنا بدعي ربا بالدعاء الي علمه لكل المسلمين
"ربنا آتنا في الدنيا حسنة و في الآخرة حسنة و قنا عذاب النار"


ادعولي بيه يا جماعة و لكل المسلمين

[yoyoabdo]

حسام توفيق عنده 18 سنة في تانية طب اسنان توفى ياريت كلنا ندعيله بالرحمة والمغفرة والثبات عند السؤال وياريت تعملها كوبي وتبعتها لكل اللى عندك لأنك فى يوم من الأ يام هتحتاج رساله زى دى..اللهم ارحمناا وارحم امه محمد اجمعين واسكنا فسيح جناتك

[yoyoabdo]

اللهم إني أستغفرك لكل ذنب ..
خطوت إليه برجلي ..
أو مددت إليه يدي ..
أو تأملته ببصري ..
أو أصغيت إليه بأذني ..
أو نطق به لساني ..
أو أتلفت فيه ما رزقتني ثم استرزقتك على عصياني فرزقتني ثم استعنت برزقك على عصيانك ..
فسترته علي وسألتك الزيادة فلم تحرمني ولا تزال عائدا علي بحلمك وإحسانك ..
يا أكرم الأكرميناللهم إني أستغفرك من كل سيئةارتكبتها في بياض النهار وسواد الليلفي ملأ وخلاء وسر وعلانية ..
وأنت ناظر إلياللهم إني أستغفرك من كل فريضةأوجبتها علي في آناء الليل والنهارتركتها خطأ أو عمدا أو نسيانا أو جهلا وأستغفرك من كل سنة من سنن سيد المرسلين وخاتم النبيين سيدنا محمد صلى الله عليه وسلم تركتها غفلة أو سهواأو نسيانا أو تهاونا أو جهلاأو قلة مبالاة بها..
أستغفر الله ..
وأتوب إلى الله ..
مما يكره الله قولا وفعلا ..
وباطنا وظاهرا

[yoyoabdo]

أسألكم الدعاء لي هذه الأيام

[yoyoabdo]

اللهم إني تصدقت بعِرضي على الناس وعفوت عمن ظلمني فمن شتمني أو ظلمني فهو في حِل ' ' اللهم إني سامحت كل من أغتابني أو ذكرني بسوء في غيبتي وأسألك في ذلك الأجر والمغفرة وبلوغ مراتب المحسنين ' أرسلت لك هذه الرسالة لأني أُحبك , وسامحتك على كل أخطائك وغيبتك لي و ارجو ان تسامحنى ان كنت قد أخطأت فى حقك او أغتبتك فساهم في نشر المحبة والتسامح وارسلها لكل شخص لتخبره انك سامحته على اغتيابه لك و ترجو ان يكون سامحك على اغتيابك له

[yoyoabdo]

أتمنى الدعاء إلى جدة زميلنا و أخونا wa7edmenalnas بالثبات و بدخول الجنة

و نلقاها في الجنة أجمعين

[yoyoabdo]

الرجاااااااء جميعنا الدعااااء لإخواننا و أطفالنا و أمهاتنا في غزة


و الدعاء بأن يذل الله أعداءنا في كل مكان

و ان نوحد جميعنا الدعاء غداً

في كل صلاة لينا

في أول يوم من السنة الهجرية الجديده


الذي بدأوها أعداءنا بهذا الشكل



و لا حول و لا قوة إلا بالله




:Sad-032::Sad-032::Sad-032:

[A7med Baraka]

ربنا يرحمها و يسكنها فسيح جناته أن شاء الله


ربنا ينصر أخواننا فى فلسطين و يثبتهم و يهزم اليهود الملاعين اللهم أمين

[abacy]

اللهم امين
و يا رب ارنا فيهم اّية وارسل عليهم سيف انتقام
يا رب ارحمنا برحمتك ووحدنا يا رب على كلمة الحق

[yoyoabdo]

أنا بدعي لي و ل جلاكسي


ربنا اتنا في الدنيا حسنه و في الأخرة حسنه و قنا عذاب النار


أسألكم الدعااااء بظهر الغيب

[sawah]

فكره جميله ورائعه ومبشره بأن الله سبحانه وتعالى لن يرد دعائنا
أنا بقى نفسى ربنا يرزقنى بزوجه
صالحه
جميله
تثبتنى
وتقوينى على طاعه الله

اللهم استجب
اللهم استجب
اللهم استجب

[yoyoabdo]

السلام عليكم يا جماعه

كل سنة و انتم طيبين بمناسبه قرب شهر رمضان الكريم

و عاوزين نفتكر مع بعض فكره الدعاء للجميع

تعالو بينا ننتهز الفرصه الجميله اللي ربنا بيديهلنا بأننا ندعي لبعض

لأن من الأدعية المجابه بإذن الله هوه الدعاء بظهر الغيب


يلا بينا كلنا نعيد إحياء هذا الموضوع


لكم مني جزيل الشكر