المساعد الشخصي الرقمي

مشاهدة النسخة كاملة : شرح مشاركة الملفات والإنترنت بين جهازين من خلال الوايرلس بدون الحاجة لأسلاك



A7med Baraka
03-31-2011, 04:06 AM
السلام عليكم ورحمة الله وبركاتة

من كام سنة لما ظهرت فلاشات الإنترنت internet usb stick التي تستخدم خدمة الجيل الثالث ,طبعاً كنت بركبها في بعض الأجهزة إلي محتاجة تشتغل علي الإنترنت فقط (لم يكن متوفر خطوط DSL في المنطقة الخاصة بعملي) ,ولما لاحظت زيادة عدد الأجهزة قولت أفضل حل أعمل شير للفلاشة دي لباقي الأجهزة علي النتورك وأشغلها للأجهزة التانية

بحيث كل مجموعة من الأفراد تشتغل علي فلاشة واحدة ,بحيث تكون عدد الفلاشات قليلة وعدد المستخدمين أكثر ,يعني لكل فلاشة 5 مستخدمين مثلاً .. والحمد لله نجح الموضوع وكان تمام ودا كان بإستخدام سويتش فقط للربط بين الأجهزة

بعدها بفترة واجهت مشكلة أخري وهي مشاركة الملفات والإنترنت من خلال الوايرلس

يعني مثلاً لو أنت شغال علي جهاز PC أو لاب توب واصلة إنترنت سواء من خلال كابل أو فلاشة أو أياً يكن واصلة منين تقدر تشارك الملفات مع جهاز PC أو لاب توب أخر فيه واير ليس بدون الحاجة لكابلات !

طيب الموضوع دا هيتم إزاي ؟

بكل بساطة هيتم من خلال حاجة أسمها ad hoc network ودي عبارة عن نتورك هنعملها بين جهازين أو أكثر لمشاركة الإنترنت والملفات

الأدوات المستخدمة: (بالطبع دا مجرد مثال)

1- جهاز كمبيوتر عليه نظام Windows 7 وإتصال بالإنترنت ولدية وايرلس

2- جهاز كمبيوتر سواء كان لاب توب أو PC عليه نظام XP والمهم يكون به وايرلس

طبعاً مش هتفرق معاك الأنظمة كتير لكن انا حبيت أوضحلكم المشاركة من خلال نظامين مشهورين ومحبوبين ويستخدموا بكثرة لسهولة التطبيق

دور الجهاز الأول صاحب الشبكة والذي لدية إنترنت أو سيشارك الملفات فقط :

دلوقتي هنبدأ بإنشاء شبكة ad hoc Network وأول حاجة هتعملها بإنك هتضغط علي ستارت ثم كتابة wireless ثم أختيار Manage wireless networks

http://www.klamaraby.com/lessons/wireless/01.png

أضغط علي زرار add لأضافة شبكة جديدة

http://www.klamaraby.com/lessons/wireless/02.png

وبعد كدا إختار Create an ad hoc network

http://www.klamaraby.com/lessons/wireless/03.png

بعد كدا هتظهرلك رسالة تعرفك بما هي الـ ad hoc network أقرئها أو تجاوزها بالضغط علي Next

http://www.klamaraby.com/lessons/wireless/04.png

دلوقتي هتختار إسم الشبكة بتاعتك وكمان نوع التشفير وهتكتب باسورد للشبكة كنوع من الحماية عشان مفيش أجهزة تانية تدخل علي الشبكة

ولو كنت هتكرر الإتصال بالشبكة دي بشكل دائم أختار Save this network

http://www.klamaraby.com/lessons/wireless/05.png

إنتظر لحظات لحين إتمام إنشاء الشبكة

http://www.klamaraby.com/lessons/wireless/06.png

دلوقتي تم إنشاء الشبكة بنجاح وجاهزة للإستخدام

http://www.klamaraby.com/lessons/wireless/07.png

دلوقتي هتضغط علي علامة الوايرلس عشان تتأكد إن الشبكة تمت بشكل صحيح ومن المفترض تظهرلك جملة waiting for users to connect وهي تعني إنه لم يدخل أي مستخدمين أخرين علي الشبكة سواك أنت !

http://www.klamaraby.com/lessons/wireless/08.png

دور الجهاز الثاني الذي سيستقبل الشبكة ويستخدم الإنترنت ويشارك الملفات عبر الجهاز الأول :

في جهاز الكمبيوتر الثاني إلي هيدخل معاك علي الشبكة وهيستخدم الإنترنت ويشاركك الملفات أضغط علي أيقونة الوايرلس الموجودة بالتاسك بار وهتلاقي الشبكة ظهرت

وطبعاً هتضغط علي connect عشان تتصل بالشبكة دي

http://www.klamaraby.com/lessons/wireless/09.png

دلوقتي لو رجعت للجهاز الأول هتلاحظ إن فيه أجهزة تانية دخلت علي الشبكة بتاعتك من خلال ظهور كلمة connected

http://www.klamaraby.com/lessons/wireless/10.png

دلوقتي أحنا كدا خلاص عملنا الشبكة وبقت جاهزة للأستخدام ,لكن مفيش أي صلاحية لإستخدام الإنترنت أو مشاركة الملفات ,وللقيام بهذا الأمر إتبع الشرح التالي ..

دلوقتي في الجهاز الأول إضغط كليك يمين علي أيقونة الواير ليس وأختار Properties

وفي تبويبة مشاركة الملفات Sharing tab علم علي إختيار :

Allow other network users to connect through this computer’s Internet connection.

http://www.klamaraby.com/lessons/wireless/11.png

بكدا إحنا سمحنا للجهاز التاني بمشاركة الإنترنت

ولمشاركة الملفات أضغط علي Settings الموجودة في الشاشة السابقة وإختار الخيارات التالية ..

http://www.klamaraby.com/lessons/wireless/12.png

بكدا الجهاز التاني هيقدر يدخل علي الجهاز الأول وياخد الملفات بكل سهولة وكمان هيكون قادر علي تصفح الإنترنت

وكل ما عليك القيام به الأن هو إتاحة مشاركة بعض الملفات من الجهاز الأول من خلال عمل share لها حتي يستطيع إستقبالها الجهاز التاني من خلال الشبكة التي قمت بإنشائها

وطبعاً إحنا نقدر ندخل معانا جهاز ثالث يكون عليه نظام XP أو أي نظام أخر للشبكة وسيستطيع إستخدام الإنترنت ومشاركة الملفات مع الأجهزة بكل سهولة

http://www.klamaraby.com/lessons/wireless/13.png

أتمني يكون الدرس كان واضح وسهل وتمنياتي لكم بالتوفيق دائماً.
منقول للأفادة