كنت عايزة اعرف يعنى ايه احرق اللينوكس على Cd وكيف طريقة الحرق واعمل ايه علشان ابقى من مبتدئة لمحترفة علشان بصراحة انا تايهة اوى ومش عارفة اعمل ايه
وجزاكم الله خيرا
عرض للطباعة
كنت عايزة اعرف يعنى ايه احرق اللينوكس على Cd وكيف طريقة الحرق واعمل ايه علشان ابقى من مبتدئة لمحترفة علشان بصراحة انا تايهة اوى ومش عارفة اعمل ايه
وجزاكم الله خيرا
تحرقى اللينكس على CD أو أى أسطوانة فى الغالب بتكون الأسطوانة ديه أيزو linux.iso مثلا
بتحرقيها يعنى بتنزليها على أسطوانى بأى برنامج زى النيرو بطريقة بسيطة بحيث ينزل الفايل الأيزو linux.iso على الأسطوانة كلها يعنى تنزل فى أى مساحة على الأسطوانة بس الأسطوانة تتحرق و ما ينفعش ينزل جنبيها أى حاجة تانى لأن باقى المساحة أتحرقت
علشان تبقى محترفة تنزل نسخة لينوكس أى توزيعة بس تقريبا الأفضل كبداية أوبونتو ubuntu
وتبدأى تشتغلى عليها و تجربى بنافسك و تشوفى البرامج البديلة للى كنتى شغالة عليها على الويندوز و هتيجى فى وقت تبقى فى حاجة عاوزة تعمليها كنتى بتعمليها على الويندوز و مش تعرفى فهترجعى للويندوز مرة تانية و لما تعرفيها أزاى على اللينوكس هتشتغلى تانى لينوكس لحد ما تحسى أنك عارفة كل حاجة زى الويندوز
يا رب الكلام ده يفيدك و يا ريت اللى عنده معلومات أكتر يضيفلنا لأننا كلنا مبتدأين و نفسنا نبقى أحسن ان شاء الله
وربنا معاكى و معانا أن شاء الله
جزاك الله خيرا يا بشمهندس هى الرؤية وضحت افضل من الاول بس اللاب هيكمل باقى الرؤية
جزاك الله خيرا
جزانا و أياكى أن شاء الله
و أى حاجة احنا كلنا تحت أمر أى حد إذا كان فى مقدورتنا طبعا :)
مشكلة تانيه معلشى على مشاكلى الكتيرة
linux CD autorun doesn't work after restart my computer
ولا حتى اى bootable CD
اسفة للازعاج
هى الرسالة ديه بتظهر أمتى ولا فين ؟؟
بس كده المشكلة مش فى ال CD أنما فى الجهاز
ممكن تتأكدى من أعدادات الجهاز أول لما يجى يفتح دوسى على Del و فى أعدادات علشان تخلية يقرأ الأول ال Potable CD ممكن ده يحل المشكلة أن شاء الله و الجهاز يقرأ الأسطوانات البوت
معلشى يا بشمهندس هما المبتدئين أمثالى مزعجين
وكمان مش عارفين يشرحوا مشكلتهم
علشان كده انا اسفة على الازعاج
الحمد لله المشكلة اتحلت
جزاك الله كل خير
عند فتح الجهاز ضغطت على Esc او Del ظهرت Boot Menu اختارت منها ATAPI CD-ROM Drive وقرأ الاسطوانة البوت الحمد لله