الـــســـر

وكان أكثر الناس تشاؤماً في العالم سكان زيمبابوي ومصر وهايتي وبلغاريا . وأظهرت الدراسة أن الألمان يحتلون مركزا متوسطا في مؤشر التفاؤل بين الدول التي شملتها الاستطلاعات والتي بلغت 140 دولة.

===========
نقلا عن: العربية.نت
================

احم احم ... طبعا أول القصيدة كفر زي مانتو شايفين

بعيدا عن الحتة الكوبي اللي انا واخداها دي ... و من غير دراسات و لا بتاع .. انا شايفة ان احنا فعلا كدة

مش هقول الحكومة السبب (رغم اني مبحبهاش) ، و لا هقول المجتمع و لا الظروف اللي بتخلي الواحد يكره نفسه

أنا عايشة عالارض دي من عشريييييييييييين سنة ... و بجد و الله شايفة ان احنا اللي بنعمل في نفسنا كل ده

ــــــــــــــــــــــــــــــــــــــــــــــــــــــــــــــــــــــــ

نسيبنا من ده ... و نتكلم عن السر

مين فينا قرأ كتاب السر أو حتى سمع عنه؟؟؟؟

اللي مسمعش بقى يقرا ... عشان بجد لو عرفت التيتة اللي في الموضوع ،، حياتك هتتغير كتير

-----------------
لو جينا فكرنا ،،، و لا حظنا البشر ,,, مش ساعات تلاقي واحد فجأة كدة خس ،، رغم انو بياكل تمام و بيشرب تمام ، و مع ذلك جت فترة و خس . رغم برضو انو مفيش مجهود عضلي بيعمله ،، طب بما أن الطاقة لا تفنى و لا تستحدث من العدم ،،،، الأكل دا بيروح فيييين؟؟؟؟

و تلاقي الناس بيقولو ... عيني عليه دا شكله بيحب ( لا و الله تفسير مقنع و علمي انو بيحب)

سمعناها كتير اوي ،، هو خاسس ليه ،، أصله بيفكر كتير

لكن هل تتخيل ان ممكن المجهود الذهني يكون بياخد كل الطاقة اللي داخلة من الجسم دي لوحده؟؟؟

انا شخصيا معتقدش كدة و لو حد شايف ان المجهود كمجهود تشغيل المخ بس ،،، ممكن يستنزف من الجسم نفس المجهود اللي بتاخده كل عضلات الجسم بكل الحركات و النشاطات يقول...

طيب أمال الطاقة دي بتروح فين ،، هو قانون بقاء الطاقة دا تهريج و للا بيضحكوا بيه علينا و للا ايه؟؟

الحل للمشكلة دي فكرت فيه أيام ثانوي ،، و مش عارفة هو صح و للا غلط و للا معروف أو لأ ... كل دي حاجات كنت بفكر فيها من كتر حبي للفيزيا

فاكرين يا مهندسين أيام الثانوية العامية لما كنا بناخد فيزيا،، مش كنا كدة في الاخر اخدنا الفوتونات الضوئية ،، و كنا أخدنا كمان ان الموجات بيبقى ليها طبيعة ((((مادية)))) ،،، حطوا بقى تحت مادية دي كام خط كدة

ليها طبيعة مادية ،، يعني ليها كتلة ،، و دي برضو خدناها في الفيزيا..

يعني هل تتخيل ان طاقة التفكير دي ،، هي عبارة عن موجات ،، ليها طبيعة مادية ،، و ليها طاقة ،، و ليها و ليها و ليها

يعني الطاقة دي ممكن تأثر ،، في أي حاجة

انت مسمعتش عن تحريك الأشياء عن بعد و للا ايه ..... اوووووووو .... كل ده بطاقة التفكير اللي جواك

تخيل أد ايه الطاقة دي كبيرة ،، و ممكن تساعدك كتير ،،، و مع ذلك بتستخدمها أسوأ استخدام ،،، و تأكد مليون في المية ان انت اول واحد هينضر او يستفاد من الطاقة دي

ــــــــــــــــــــــــــــــــــــــــــــــــــــــــــــــــــــــــــــ

رغيت كتير ...

المهم بقى الكتاب مش بيتكلم عن كدة خااااالص ،، لا عن الفيزيا و لا الفوتونات و لا كل وجع الدماغ اللي اتكتب فوق ده

الكتاب بيتكلم عن ازاي تستخدم السر .... السر دا انت و تفكيرك و طاقتك

صدقني هتخسر كتييييييييير لو مقريتش الكتاب ،، أو شوفت الفيلم

و في الموضوع اللي جاي هتكلم بالتفصيل عن السر و هجيبلكم لينكات تحميل الكتاب و الفيلم

ــــــــــــــــــــــــــــــــــــــــــــــــــــــــــــــــ

في أمان الله