End Google Ads 201810 - BS.net 01 -->
أحوال مراتى


مراتى دايما لها أحوال
نكد وعايزه والله الضرب
أقول يمين بتقولى شمال
وإن قلت شرق تقول لا غرب





ياناس دا من يوم ماعرفته
وكان طبيعى وعال العال
اشمعنى لما اتجوزته
وهو كل دقيقة ف حال






هنقول لكو ياناس أحوالنا
وأنتوا احكموا منها علينا
تتعرفوا ع اللى جرالنا
وتقولوا مين غلطان فينا





أقوم من النوم ألاقيها
نايمة ورايحة ف ميت نومة
وان جيت ف مرة أصحيها
تزعق ف وشى كالبومة






عايزنى أقوم أعمله فطار
وأنا التعب فى بينشر
شغالة فى البيت ليل ونهار
ولايوم يقدر ولا يعذر






أسيبلها المصروف بالذوف
واقول لها محشى ف نفسى
ألاقى ع الغداء بيض مسلوق
وشارية تايير من روكسى





وهو مصروفه كفى
دا أنا استلفت من الجارة
لفينا ف السوق كم لفه
وجبت جزمة ونضارة






أصرخ واشد ياناس شعرى
واقول حرام هتجنينى
تقوم على التليفون تجرى
تطلب حماتى وتشكينى




طبعا دى مامتى ماليش غيرها
هيه اللى بتشيلنى ف همى
على صدرها بنام واحكيلها
أياك تقول كلمة ف أمى






تيجى أمها وأهى وتكمل
ويعملوا ف بيتنا حريقة
أهرب من البيت متبهدل
ما أستنى حتى ولا دقيقة





علشان يبطل يتفلسف
دايما ويوعد ويهدد
أكمن هو اللى بيصرف
يعملى فيها سى السيد