اريد المساعدة

**anes marzouk** · 10-12-2008, 10:49 PM

End Google Ads 201810 - BS.net 01 --> كنت عايزة اعرف يعنى ايه احرق اللينوكس على Cd وكيف طريقة الحرق واعمل ايه علشان ابقى من مبتدئة لمحترفة علشان بصراحة انا تايهة اوى ومش عارفة اعمل ايه
وجزاكم الله خيرا

**A7med Baraka** · 10-13-2008, 01:43 AM

المشاركة الأصلية كتبت بواسطة anes marzouk

كنت عايزة اعرف يعنى ايه احرق اللينوكس على Cd وكيف طريقة الحرق واعمل ايه علشان ابقى من مبتدئة لمحترفة علشان بصراحة انا تايهة اوى ومش عارفة اعمل ايه
وجزاكم الله خيرا

تحرقى اللينكس على CD أو أى أسطوانة فى الغالب بتكون الأسطوانة ديه أيزو linux.iso مثلا
بتحرقيها يعنى بتنزليها على أسطوانى بأى برنامج زى النيرو بطريقة بسيطة بحيث ينزل الفايل الأيزو linux.iso على الأسطوانة كلها يعنى تنزل فى أى مساحة على الأسطوانة بس الأسطوانة تتحرق و ما ينفعش ينزل جنبيها أى حاجة تانى لأن باقى المساحة أتحرقت

علشان تبقى محترفة تنزل نسخة لينوكس أى توزيعة بس تقريبا الأفضل كبداية أوبونتو ubuntu
وتبدأى تشتغلى عليها و تجربى بنافسك و تشوفى البرامج البديلة للى كنتى شغالة عليها على الويندوز و هتيجى فى وقت تبقى فى حاجة عاوزة تعمليها كنتى بتعمليها على الويندوز و مش تعرفى فهترجعى للويندوز مرة تانية و لما تعرفيها أزاى على اللينوكس هتشتغلى تانى لينوكس لحد ما تحسى أنك عارفة كل حاجة زى الويندوز

يا رب الكلام ده يفيدك و يا ريت اللى عنده معلومات أكتر يضيفلنا لأننا كلنا مبتدأين و نفسنا نبقى أحسن ان شاء الله

وربنا معاكى و معانا أن شاء الله

**anes marzouk** · 10-13-2008, 08:08 AM

جزاك الله خيرا يا بشمهندس هى الرؤية وضحت افضل من الاول بس اللاب هيكمل باقى الرؤية
جزاك الله خيرا

**A7med Baraka** · 10-13-2008, 07:01 PM

جزانا و أياكى أن شاء الله
و أى حاجة احنا كلنا تحت أمر أى حد إذا كان فى مقدورتنا طبعا

**anes marzouk** · 10-22-2008, 10:18 PM

مشكلة تانيه معلشى على مشاكلى الكتيرة

linux CD autorun doesn't work after restart my computer

ولا حتى اى bootable CD

اسفة للازعاج

**A7med Baraka** · 10-22-2008, 11:51 PM

المشاركة الأصلية كتبت بواسطة anes marzouk

مشكلة تانيه معلشى على مشاكلى الكتيرة

linux CD autorun doesn't work after restart my computer

ولا حتى اى bootable CD

اسفة للازعاج

هى الرسالة ديه بتظهر أمتى ولا فين ؟؟
بس كده المشكلة مش فى ال CD أنما فى الجهاز
ممكن تتأكدى من أعدادات الجهاز أول لما يجى يفتح دوسى على Del و فى أعدادات علشان تخلية يقرأ الأول ال Potable CD ممكن ده يحل المشكلة أن شاء الله و الجهاز يقرأ الأسطوانات البوت

**anes marzouk** · 10-23-2008, 01:50 AM

معلشى يا بشمهندس هما المبتدئين أمثالى مزعجين
وكمان مش عارفين يشرحوا مشكلتهم
علشان كده انا اسفة على الازعاج

الحمد لله المشكلة اتحلت

جزاك الله كل خير

**A7med Baraka** · 10-23-2008, 02:05 AM

المشاركة الأصلية كتبت بواسطة anes Marzouk

معلشى يا بشمهندس هما المبتدئين أمثالى مزعجين
وكمان مش عارفين يشرحوا مشكلتهم
علشان كده انا اسفة على الازعاج

الحمد لله المشكلة اتحلت

جزاك الله كل خير

مافيش أزعاج ولا أسف
و أى حاجة أسألينا بس و أن شاء الله ربنا يقدرنا و نقدر نساعدك و نساعد أى حد أن شاء الله

بس هى المشكلة أتحلت إزاى علشان أذا قابلت أى حد تانى لا قدر الله ما يدورش كتير ؟؟